展興扒王餐廳 (已結業)

今日晚餐自己一個人去左呢間展興食小菜，呢間餐廳地方算大，位夠多同有電視睇，環境衛生都唔錯。今日我就叫左個咕嚕班塊小菜食，等左大約10分鐘左右就有得食了，目測幾大碟下，夠哂送飯。個咕嚕班塊味道唔錯，剛剛炸起，酸甜汁既酸甜味道剛剛好，可惜配料既洋蔥就好生下，我食左一片就冇再食了，而菠蘿就有小小酸，可以接受，整體黎講還是要俾個佢。另外飲品我就叫左杯凍奶茶多奶，杯奶茶飲落唔錯，夠滑同有茶味，係我鐘意飲既味道。