老馮茶居 (荃灣千色匯II)

今日唔係好舒服，所以想買外賣番屋企慢慢自閉食，經過呢間以前係大埔幫襯過都覺得印象ok就買左3樣野，第一樣係土魷肉餅，仲係推介之選，份量我是ok的，但食落好肥，咬落口鬆泡泡咁，我估仍最少40%以上係肥羔，而土魷都食到少少既，唔知係咪切太碎，煮太耐，冇咩口感。由於太肥，我食左一半就忍唔住放棄左。薑汁燉奶d味我叫熱，表面光滑唔老既，質地都ok, 係firm身既，可惜奶味都薑味都十分微弱，我唔會再叫。其實我仲叫左個高湯菜心，不過都冇影到相啦，又係油到立立令，菜就唔可以完全唔落油既，不過我覺得我果碟就over曬啦，係屋企自己過左一次水叫勉強食左佢😵‍💫唔係係咪我叫外賣，所以d野差d啦，不過我都唔會再食呢間啦