影片
更多
2016-12-16
5310 瀏覽
是日晚餐地點係朋友既選擇, 佢話利舞台Sky Bar新開無耐. 裝修的確新淨舒適又夠闊落. 只可惜我地被安排坐於pool table隔離, 而且餐枱同pool table相隔頗近, 有人打波的話就要小心被督親 (註: 晚餐尾聲有3個人開始打波, 佢地有幾次瞄波要推開我地張櫈; 所以book枱時最好講明唔要果度). 呢度有飛標區, 可能係星期四既關係, 飛標區無乜人玩. 另外有一間private room, 可以坐8-10人咁上下, 入面亦有飛標. 人少少book間房開party唔錯唷. 而且, Sky Bar價錢好公道. 我同朋友打開menu兩眼發光, 一直碎碎唸好抵食, 好抵食, 好抵食, 好抵食.........最終, 我地選擇左一個$288(+10%)有一打生蠔, 餐湯, main course, 甜品及一杯紅/白酒既套餐. 有位十分好笑容及有禮既waitress小姐同我地講差不多8成人客都揀呢個餐, 因為好抵食. 我都覺得如果8成人都揀, D生蠔都應該夠新鮮. 因我朋友係生蠔控, 異話不說就直點兩份. 我既main係龍蝦意大利飯, 朋友係rib eye
最終, 我地選擇左一個$288(+10%)有一打生蠔, 餐湯, main course, 甜品及一杯紅/白酒既套餐. 有位十分好笑容及有禮既waitress小姐同我地講差不多8成人客都揀呢個餐, 因為好抵食. 我都覺得如果8成人都揀, D生蠔都應該夠新鮮. 因我朋友係生蠔控, 異話不說就直點兩份. 我既main係龍蝦意大利飯, 朋友係rib eye 5成熟.
兩個餐一共2打生蠔上枱, 場面相當盛大. 生蠔有D頗為奀瘦薄身, 較為大隻既就的確幾creamy. 因多人叫, 流量大所以生蠔好新鮮. 生蠔控朋友唔加任何汁就一口一個咁食. 咁就係食蠔既豪氣喇. 是日餐湯無得揀, 係奶油雜菌湯, 我本身唔鐘意菌類, 好彩唔係太濃味, 所以接受到. 我既主菜先到, 好香既意大利飯, o下........又有少許松露(雖然我都係唔太鐘意呢陣味, 但只好接受啦), 上面亦有唔少巴馬晨芝士, 飯唔係太多cream又唔太有意大利飯既al dante口感, 感覺就似食普通飯一樣. 加上龍蝦好老(鞋烚烚), 雖然有好多膏但個main course整體就麻麻. 我朋友既rib eye 就十分之林, 真係剛好5成熟. 唔配其他醬汁都已經夠晒味. 但唯一就係比較薄. 我會比8分個rib eye, 我自己個 龍蝦意大利飯只有6分.
最後個甜品係豆腐芝士蛋糕. texture唔錯, 但無乜豆腐味及芝士味, 唔講應該估唔到.
Sky Bar內有好多聖誕裝飾, 一入到去已經感受到強烈既聖誕氣氛. 加上有酒, pool table 及飛標等娛樂, 相信O係度享受聖誕大餐會好有feel. 我見佢地個x'mas menu都係4百幾有交易. 係幾吸引既. 一於下次同朋友O黎玩O下飛標.
張貼
