影片
更多
2015-12-30
437 瀏覽
聖誕節同一大班朋友出去食大餐，大家都想食日本野，見度度都full booking 點知鳴門咁啱有位，所以喺度食左我地既聖誕大餐。 鳴門裝修格局同一般居酒屋差唔多，入面好舒服，靜靜地好啱傾計，比較特別既係佢收銀機旁放左好多大大條既日本魚同扇貝睇下個menu..價錢都好親民，有d套餐都幾抵食下，不過朋友想試新野，所以冇叫飯既套餐。喺一月尾之前，清酒同部份食物(刺身)有半價優惠，星期六日都有，幾吸引wor 鱆紅魚和風沙律鱆紅魚軟滑，沙律汁係類似泰式沙律既味道，酸酸辣辣很醒胃，係一道好開胃既前菜。 沖繩花生豆腐係我食過最特別既一款豆腐，平時d豆腐一篤就會裂開，但呢種沖繩豆腐好似芝士咁，可以拉絲，入口綿綿口感都好似芝士，夾雜住花生既甜味好特別，有d似食緊甜品。自家制櫻蝦蟹肉玉子燒玉子燒中間有一隻隻櫻花蝦，蛋既甜味同櫻花蝦味道配合得好好，玉子亦燒得很滑。枝豆呢度枝豆好好食，因為出面唔係間間都整得好味，呢度整得咸咸地，入面粒豆唔會淋身好有口感。沖繩腐乳又係一種好特別既食品，入口冇腐乳味，竟然係好濃酒精味，店員話呢種係發酵味，食品係完全冇酒精，大家都覺得好神奇，不過呢種味道唔係人人都啱，
鳴門裝修格局同一般居酒屋差唔多，入面好舒服，靜靜地好啱傾計，比較特別既係佢收銀機旁放左好多大大條既日本魚同扇貝
睇下個menu..價錢都好親民，有d套餐都幾抵食下，不過朋友想試新野，所以冇叫飯既套餐。喺一月尾之前，清酒同部份食物(刺身)有半價優惠，星期六日都有，幾吸引wor
鱆紅魚和風沙律
32 瀏覽
1 讚好
0 留言
鱆紅魚和風沙律
鱆紅魚軟滑，沙律汁係類似泰式沙律既味道，酸酸辣辣很醒胃，係一道好開胃既前菜。
沖繩花生豆腐，自家制櫻蝦蟹肉玉子燒，枝豆，沖繩腐乳，
45 瀏覽
0 讚好
0 留言
沖繩花生豆腐
係我食過最特別既一款豆腐，平時d豆腐一篤就會裂開，但呢種沖繩豆腐好似芝士咁，可以拉絲，入口綿綿口感都好似芝士，夾雜住花生既甜味好特別，有d似食緊甜品。
自家制櫻蝦蟹肉玉子燒
玉子燒中間有一隻隻櫻花蝦，蛋既甜味同櫻花蝦味道配合得好好，玉子亦燒得很滑。
枝豆
呢度枝豆好好食，因為出面唔係間間都整得好味，呢度整得咸咸地，入面粒豆唔會淋身好有口感。
沖繩腐乳
又係一種好特別既食品，入口冇腐乳味，竟然係好濃酒精味，店員話呢種係發酵味，食品係完全冇酒精，大家都覺得好神奇，不過呢種味道唔係人人都啱，我自己唔飲酒所以麻麻地呢個味道。
刺身併盤
34 瀏覽
0 讚好
0 留言
刺身併盤內有粒貝，伊佐木，油甘魚腩，三文魚同甜蝦。
除左壽司豉油外，另配有酸汁可以點白魚。
粒貝好爽口，香甜好滋味。伊佐木有好多片，淡粉紅色，入口少許煙韌，淡淡既魚味帶點鮮甜。三文魚厚切好新鮮，入口即溶，富有魚香味，油甘魚油脂分佈均勻，好肥美，甜蝦好大隻creamy
刺身真的超鑽，可以比滿分👍🏻
鳴門壽司拼盤
39 瀏覽
0 讚好
0 留言
鳴門壽司拼盤
又係另一個好吸引既主菜，壽司採用左非一般既魚，我自己就試左拖羅卷，牡丹蝦，池魚王同金目鯛，
拖羅卷入面拖羅啖啖肉，好夠味，牡丹蝦好大隻，肉質黏黏好新鮮，最令我難忘係金目鯛，因為係第一次食呢種眼仔大大既魚，味道除左鮮之外仲好特別，富有魚香味。
煎沖繩黑豚餃子
30 瀏覽
0 讚好
0 留言
煎沖繩黑豚餃子
餃子係來自沖繩，原汁原味，外層煎得金黃香脆，餃子皮比較厚，如果薄d應該會好食d。
沖繩水雲天婦羅
26 瀏覽
0 讚好
0 留言
沖繩水雲天婦羅
我地叫佢水雲小丸子，水雲係一種沖繩既植物，樣貌好似海草，同小丸子一齊炸，黑色一粒粒都幾特別，入口香脆可口，外脆內軟。
清酒煮日本大蜆
35 瀏覽
0 讚好
0 留言
清酒煮日本大蜆
叫得大蜆真係大大粒，食到有鮮味，清酒酒味不算好濃，好易入口，同蜆肉汁混合變左甜甜地既湯。
石鍋博多湯豬軟骨烏冬
23 瀏覽
0 讚好
0 留言
石鍋博多湯豬軟骨烏冬
一上枱都仲係滾住熱辣辣，烏冬煮得夠彈牙，入口滑溜，豬軟骨份量好多，好juicy
明太子雞翼串燒，美國牛肋筋串燒，美國牛舌串燒
25 瀏覽
0 讚好
0 留言
明太子雞翼串燒
明太子包喺無骨雞翼入面，一咬落去，好多雪魚魚春流出，辣辣地好惹味。
美國牛肋筋串燒，美國牛舌串燒
串燒燒得香口惹味，牛舌有咬口，味道偏咸了一點，牛肋筋帶少許肥膏，好香口，牛味濃郁。
日本磯燒番薯串燒
第一次食細細粒番薯，燒得啱啱好，番薯淋身入口軟綿綿，細細粒好易入口，番薯味道同上面灑既鹽都好配合。
鹽燒三文魚頭
42 瀏覽
0 讚好
0 留言
鹽燒三文魚頭
三文魚頭比手掌還要大，魚肉質嫩滑，三文魚香好出。
巨峰乳酸梳打
44 瀏覽
0 讚好
0 留言
我唔飲酒，所以揀左飲品巨峰乳酸梳打，幾好飲，酸酸地甜甜地，中和返串燒既肥膩。
店員好熱心推介我地應該食d乜，每樣食品都有同我地講解下，食品大部分都新鮮沖繩運黎，叫既食物都好特別，今個聖誕餐真係好滿足。
張貼
