鳴門魚市場居酒屋 (已結業)

難得放日放假，約咗朋友喺旺角行街街，因為限聚令關係，所以都係買外賣返屋企食。咁岩經過呢一間餐廳門口，聽到餐廳員工話做緊特別優惠，話全部壽司、刺身同卷物類有半價，心諗咁抵唔係唔食啊！一於決定試吓先。一於大包圍乜嘢壽司同刺身都叫黎試吓先，我哋叫咗吞拿魚魚腩壽司、火炙左口魚壽司、鰻魚壽司、油甘魚壽司、拖羅劍魚壽司同鵝肝壽司！我想話每件壽司都好好食，箇中鮮味令我食上癮，勁有滿足感！特別推介鵝肝壽司同鰻魚壽司，鵝肝壽司軟綿綿又粉粉嫰嫰嘅感覺，好正呀！刺身就叫咗三文魚同赤蝦刺身，又係無敵新鮮，赤蝦仲好鮮甜🙈最後我哋仲加埋軟殼蟹牛油果沙律同芝麻雞翼，芝麻雞翼外脆內嫰，好juicy！而沙律就酸酸美味非常開胃，呢間餐廳我決定呢個星期再encore多一次！

聽講呢間餐廳外賣自取有八折，壽司刺身卷物類直情做緊半價優惠，咁抵當然要食啦。（下文價錢未計算折扣）.我哋叫咗幾款壽司🍣，分別係吞拿魚腩（$48）、鵝肝（$68）、炙燒三文魚裙邊（$45/2）、鰻魚（$45/2）、鮮貝柱（$45/2）、三文魚籽（$45/2）。吞拿魚腩夠晒肥美，半價廿幾蚊有一件，好抵呀。.我每次都會食佢哋嘅三文魚籽，鹹香鮮甜又唔腥，食得出來貨質素非常高。.我哋仲叫咗一份炸軟殼蟹牛油果沙律🥗（$65）。炸軟殼蟹好香脆可口，牛油果同沙律菜食落就好清新。.呢度嘅名古屋芝麻雞翼🍗（$50）都係必食之選。佢哋啲雞翼炸得特別香脆，但係又鎖住啲肉汁。

經過旺角見到間日本餐廳外賣自取有8折，心思思幫襯下。 我揀咗個沙律、小食、少許刺身同埋壽司。 軟殼蟹牛油果沙律：牛油果夠軟，軟殼蟹炸得好鬆脆，加上鮮甜嘅車厘茄同埋爽脆嘅蔬菜，成個沙律都好清新，好滋味。 炸魷魚配他他汁：魷魚圈炸得金黃鬆脆，炸粉亦唔會過厚，配埋他他汁汁食非常美味。 三文魚刺身色澤鮮明，魚肉是橙紅色，肉質堅挺，肉質光滑。三文魚新鮮肥美，入口感覺結實飽滿，魚油豐盈有化口感。味道甘香，肉質爽滑，食起來唔油膩。 赤海蝦刺身肉質彈牙，晶瑩剔透。 點少少豉油同wasabii， 大大提升咗蝦嘅鮮甜味。 吞拿魚腩壽司脂肪比例適中，質感較腍，魚味濃郁，魚香持久，食得滿口甘香。 鵝肝壽司經過油花炙燒後釋放油脂，融入壽司飯中，香氣更盛，營造出多層次嘅享受。 海膽壽司味道甘甜，質感細膩，入口即溶。色澤呈淺橙黃色，味道極其鮮美，一啲都唔腥。 蟹膏壽司毫無腥味，而且帶點鮮甜味。 鰻魚壽司塗上甜鹹醬汁，以火烤的蒲燒，其香味令人食指大動。裹上甜鹹醬汁、香氣四溢的蒲燒，非常美味。 鮮貝柱壽司肉質厚身緊實有彈性，鮮甜美味、嚼勁十足！ 火灸左口魚邊：左口魚裙邊係背鰭和臀鰭之間嘅一條邊，呢條裙邊位置正正係成條魚

生意難做，好多餐廳都推出左晚市優惠，依間之前都有食過嘅居酒屋，質素唔差，早幾日經過見到佢夜晚外賣自取壽司刺身有半價，炸物有八折，抵到咁誇張即係入去揀返幾件返屋企食，最誇張嘅係吞拿魚腩同鵝肝呢一類平時比較高價嘅壽司都有半價🤩我同大少兩個揀咗10件壽司兩款刺身仲有小食同沙律都係$300左右，另外要讚下包外賣嗰個，大家最近都成日買外賣返屋企最怕就係拎到返屋企之後變晒樣/流晒湯等等，但我買完外賣再坐小巴返屋企打開個外賣都仲係好靚仔😆鵝肝壽司燒得好好，油脂甘香入口即溶、吞拿魚腩好肥美、三文魚刺身勁厚切

經過旺角看見鳴門在做外賣自取半價優惠，超划算的，買來試一下！炙帆立貝左口魚裙邊黑松露沙律 $68半價$34真的性價比高，沙律比較濃味，配料也算多。名古屋芝麻雞翼（3隻）$50半價$25也是很不錯的價錢，雞翼香脆惹味，好吃。壽司吞拿魚腩（$48）及鵝肝（$68）各一，吞拿魚腩很肥美，鵝肝雖然比較薄但也很香，半價後的價錢真不錯！另外點了三文魚腩（$30）、油甘魚（$38）、炙左口魚裙邊（$45）及三文魚籽（$45），全部都是兩件的價錢，半價後真的很難在外面吃到呢！刺身三文魚腩（4切 $68）、赤海蝦（2隻 $58），同樣半價後變得划算，買回家吃很不錯。店員有禮貌，刺身壽司都很新鮮，半價絕對值得買來吃。

今日想食日本菜朋友介紹呢一間鳴門居酒屋 壽司丶刺身丶卷物 全部外賣有半價 今日開心星期五就去外賣食啦！😋去到見到餐牌 其實都幾多種類選擇 😚揀咗軟殼蟹牛油果沙律 一口芝士 唔同嘅刺身同壽司 等咗一陣就拎返屋企啦～返到去 軟殼蟹牛油果沙律好新鮮 😊軟殼蟹炸得好鬆脆 引起食慾 一口芝士炸得啱啱好 外脆內軟 芝士超級澎湃好吃 😛三文魚和甜蝦刺身鮮甜🤩三文魚厚切～食得好滿足咁多款壽司最喜愛吞拿魚腩同鵝肝壽司 鵝肝入口即溶 吞拿魚腩 油脂充足 正丫！呢個晚餐真係性價比好高！我見到餐牌仲有午餐便當 下次要來試吓先！

六點後禁堂食，只好買外賣回家吃。刺身壽司卷物半價，cp值高，而且好新鮮。最值得推介係三文魚刺身，赤海蝦刺身同帶子壽司三文魚刺身，半價後，$29，四片。三文魚厚切，而且勁肥美！咬落去，油花四散🤩三文魚已經咁好質素，三文魚腩一定更正，可惜當日三文魚腩無貨。赤海蝦，折後也是$29，兩隻。海蝦大大隻，完全冇腥味，鮮甜好味😋沙律，小食外賣都有折扣，八折。軟殼蟹牛油果沙律！芝麻雞翼，三隻！即叫即炸，有誠意。

今晚又食日本野，夜收工所以揀左呢間last order 11點嘅居酒屋，宜家疫情關係，刺身、壽司、手卷、卷物、清酒半價，其他食物八折，超抵！前菜：火炙帶子左口黑松露沙律（$68），左口魚超油潤，帶子燒過又好滑。炸魷魚他他汁（$48），番到屋企就涼涼地，係氣炸鍋再焗下依然好正。刺身：三文魚刺身4片（$58），三文魚厚切。赤海蝦刺身2隻（$58），蝦又大隻又甜。壽司：吞拿魚腩（$48）、拖羅劍魚（$32）、油甘魚（$38）、鵝肝（$68）、鮮貝柱（$45）、甜蝦（$48）。超滿足，當中最鍾意當然係吞拿魚腩，魚油四溢，另外鵝肝都比我想像中厚身。半價後，咁多嘢食先$300有找，幾正啊。

依家好多餐廳都做緊晚市外賣優惠, 朋友介紹話呢間居酒屋做緊超抵既外賣, 壽司刺身卷物外賣半價, 而沙律炸物都有八折! 我揀左佢做我既晚餐!去到餐廳, 選擇都幾多, 有各式丼飯, 小食, 沙律炸物, 梗係唔少得刺身壽司我就叫左一幾款食物火炙帶子左口魚黑松露沙律: 一打開個盒就覺得好抵食, 因為佢勁足料, 有好多粒帶子, 仲要係幾厚身, 左口魚份量都多, 味道都好有水準, 折完只係$54, 真係好抵!炸魷魚配他他汁: 魷魚炸得夠香脆, 外面既炸粉唔會好厚, 沾埋個他他汁, 味道配合得幾好刺身&壽司: 叫左幾款半價壽司同刺身(三文魚刺身, 赤海蝦刺身, 吞拿魚腩壽司, 油甘魚壽司, 鰻魚壽司, 三文魚籽壽司, 海膽壽司, 火炙左口魚) 整體刺身&壽司都好新鮮, 其中赤海蝦刺身好爽口, 火炙左口魚既油脂感好豐富, 海膽同吞拿魚腩都係值得推介!呢一餐食咁多野都唔洗$300, 真係性價比超高, 已經心思思下星期再食

Food L 又再為女友出動，今次吃日本菜。先來一個自選壽司刺身拼盤，當中以鮮貝柱壽司鮮美，很大件。三文魚籽壽司入口每粒都爆脆赤酢蟹膏有很濃很濃的蟹糕甜蝦壽司蝦肉入口有彈性，鮮甜。赤海蝦刺身很鮮，比甜蝦肉質更彈。油甘魚刺身肉質肥美、顏色鮮艷。脂肪比例平均。油甘魚壽司加入壽司飯中和了油甘魚的油脂感，確是另一種美味但個人比較喜歡吃刺身。小食有芝麻雞翼，外層香脆。軟殼蟹牛油果沙律由多種不同軟硬度的材料組成，入口很有趣，爽口清新。外賣自取壽司及刺身半價，小食有八折，更沒有收加一，平均每人不用百五蚊，超抵。

喺旺角見到呢間鳴門漁市場居酒屋做緊外賣自取優惠所有嘅熟食沙律均有八折，而所有嘅刺身壽司外賣自取仲有半價添，所以點選左一份沙律同埋一份炸物小食。亦一口氣叫多左兩款刺身同埋十件壽司。炸魷魚配他他汁：自家秘製嘅他他醬汁，呢度魷魚即叫即整，魷魚外面卜卜脆，炸粉唔太厚，咬落彈牙兼爽口，加埋酸酸甜甜嘅醬汁，變得更加好味。牛油果軟殼蟹沙律：牛油果新鮮清新，生熟度適中，仲有清爽怡人嘅沙律菜，仲有主角嘅酥脆軟殼蟹喺沙律上，廚師亦細心咁將其切開數件，再配埋佢哋呢度嘅特製酸甜嘅沙律汁，令人格外開胃。刺身叫左三文魚刺身同埋赤海蝦刺身，前者採用左厚切，油脂分泌又非常均勻，而後者蝦身好大隻，鮮味又爽口，令人十分滿足。而壽司方面呢次就揀香港人鍾情嘅三文魚壽司，充滿火炙香味油脂甚豐嘅火炙左口魚邊壽司，咸鮮味突出，口感一流嘅三文魚籽壽司，鮮甜爽口嘅甜蝦壽司，油香滿溢嘅鵝肝壽司，最後係入口即化，令人一食上癮嘅吞拿魚腩壽司，佢哋用料上乘，樣樣魚生都係無比嘅新鮮，完全係物超所值。

疫情下晚上已經無堂食，好耐都冇放工後出街食過晚飯😔行過見到間居酒屋做外賣🌟刺身、壽司、卷物一律半價，熟食、沙律都有8折優惠，見咁抵食決定一試，反正無得去日本都買啲日本菜返屋企解一解思鄉之苦！🌠軟殼蟹牛油果沙律軟殼蟹真係『買飛沸』~軟殼蟹炸到酥脆香口，外脆內軟，牛油果沙律新鮮爽口，配沙律醋酸酸甜甜，十分開胃😆🌠芝麻雞翼去日本居酒屋必點菜式之一，係香港都要試下呢間居酒屋嘅手勢！外皮金黃酥脆，內裏雞肉嫩滑，食落滿滿芝麻香，非常可口惹味！🌠刺身 要咗三文魚同赤海蝦刺身~推薦！呢到啲刺身真係好新鮮😆三文魚真係厚切勁大塊，食落塊塊都肥嫩香潤！ 赤海蝦長過手掌，咬落啖啖肉，而且蝦頭仲要勁多膏！非常鮮味😆🌠壽司分別要咗幾款壽司，當中推薦火焰左口魚邊壽司🌟食落肥美又爽口~炙燒後甘甜魚油滲出， 味道濃郁甘香，入口即溶！而吞拿魚腩壽司平時食就貴啲，但依家半價，當然要叫啦！吞拿魚魚腩係吞拿魚最肥美嘅部份，食落肥美無筋，入口即溶！鰻魚壽司亦都冇令我失望，鰻魚上塗滿了醬汁再烤後，肉質Q彈緊緻，令人回味😜

今晚突然想食刺身，去開旺角，諗緊邊度有刺身食，行到旺角東火車站果頭，見到「鳴門」就買外賣番去食啦！去到店員話我知原來依家外賣自取八折，壽司、刺身同埋卷物重做緊外賣半價優惠添，正呀！店員好耐心咁詳盡介紹我知有咩優惠，要讚一讚店員嘅服務態度好好👍🏻火炙帶子左口魚裙邊黑松露沙律左口魚裙邊口感似魚嘅皮，脂肪夠厚。沙律🥗好香黑松露味。落左超多沙律醋，酸酸地，好開胃呀！好多汁，令沙律食落唔會乾。沙律菜十分新鮮爽脆！炸魷魚配他他汁炸魷魚炸得好香，未食已經聞到。外層粉漿唔會太厚。好耐冇食過刺身同壽司啦！今日一口氣order左2款刺身同5款壽司。刺身嗌左三文魚同赤海蝦。壽司嗌左蟹籽、八爪魚、甜蝦、油甘魚同埋劍魚腩。三文魚厚切，紋理清晰，脂肪分佈平均，夠新鮮，食落有魚油香。蟹籽壽司蟹籽份量多到滿瀉！蟹籽一咬喺口腔爆開，入口卜卜脆。甜蝦壽司真係顧明意義夠鮮甜，肉唔會霉。等外賣嘅時候同店員傾計先知原來佢地依家剩係夜晚(6pm-11:30pm 截單)先開，剩係做外賣。佢話依家A+B自取便當🍱做緊優惠($58起)，好抵呀！下次黎試下先！

去旺門做野做完已經好夜， 又累又肚餓， 好彩比我見到 鳴門魚市場居酒屋，仲要佢刺身，壽司和卷物類都做緊外賣半價優惠，唔買對唔住自己個胃，我立馬掃d 回家嘆。⚛ 三文魚刺身 ～ 一客4片， 咪講笑佢厚切，4件份量好滿足，最緊要夠肥美。⚛ 赤海蝦刺身 ～ 2隻長長鮮甜爽彈的赤海蝦，滋味滿分。⚛ 軟殼蟹牛油果沙律 ～ 即炸軟殼蟹配上新鮮沙律菜和牛油果，配搭得好好，沙律菜入口好 fresh。⚛ 炸魷魚配他他汁 ～ 好滿意呢個炸魷魚，口感脆口，Q彈鮮美， 沾一沾他他汁好開胃。⚛ 三文魚籽壽司 ～ 飽滿色澤鮮明一粒粒的三文籽，入口爆開的感覺好爽。⚛ 鵝肝壽司 ～ 煎得夠香，入口溶化，令人回味。⚛ 吞拿魚腩壽司 ～ 魚油平均令人想再食。⚛ 三文魚腩壽司 ～ 夠肥美，口感豐富。⚛ 鰻魚壽司 ～ 厚身厚切，燒得夠香無細骨一洗。⚛ 火灸左口魚邊壽司 ～ 用火槍輕輕燒過的左口魚邊， 唔錯入口即溶。拎回家d壽司仲係咁滋味， 下次會再幫襯。

今晚一個人食飯，買外賣都唔知買乜好，行過見到呢間日本菜做緊外賣壽司半價，好似好抵食。除咗壽司、刺身、卷物有半價之外，另外仲有啲食物做緊外賣自取八折，幾抵食。我就叫咗幾件壽司、刺身，另外再叫咗一個沙律同埋一個炸魷魚。火炙帶子左口黑松露沙律沙律嘅份量都幾多，而且唔係剩係得菜，有好多嘅魚生喺上面之外亦都有其他配料，例如有牛油果、蕃茄等等。加咗黑松露嘅醬汁，味道非常之配合。炸魷魚配他他汁炸魷魚同樣都配左沙律，亦都有沙律醬喺隔離，拎到返屋企都唔會倒瀉，外賣來講擺盆都好重要。炸魷魚外層酥脆，就算凍咗都唔會淋晒。赤海蝦刺身、三文魚刺身鵝肝壽司、吞拿魚腩壽司、鮮貝柱壽司、油甘魚壽司、甜蝦壽司、鰻魚壽司刺身同壽司都非常之新鮮，即使做緊半價，但係質素一樣咁好。自己就覺得吞拿魚腩壽司最好味，魚腩肥美之餘，厚切嘅口感亦都一流。另外，鵝肝壽司亦都係必試嘅選擇，鵝肝入口即溶，油脂香味豐腴。