影片
更多
2017-05-05
436 瀏覽
一個月之前是浪漫的情人節，雖然老公唔算好浪漫，當日冇食燭光晚餐冇送花，但感情深厚嘅我哋又點會計較呢啲嘢呢……不過適逢今日3月14號白色情人節，我哋兩個又咁啱早收工，得閑拍下拖，經過路經呢間看似幾浪漫格調有幾簡單的西餐廳，於是入內食個飯裝修唔係走華麗氣派嘅路線，但內裏嘅環境比到我一種好舒服嘅感覺，佢叫casa338 ，casa 係家嘅意思，想店主應該想餐廳俾人一種家的感覺吧，坐低之後侍應亦都好親切咁樣招呼我哋。每台都有鮮花做擺設，別具心思。而且木造的餐枱餐椅比佢仲好溫馨嘅感覺！呢度食飯真係豐儉由人，看餐牌都係＄100左右可以有一個餐，算係幾抵食，例如我老公咗嗰個燒春雞set dinner都只不過係＄98，而我就想試下個和牛扒，300都唔使就可以食到和牛扒！個餐有湯有沙律有包包，都幾齊全，我哋兩個都叫咗羅宋湯，幾開胃。兩個沙律成雙成對放在一起，睇落特別可愛，沙律菜幾新鮮，特別喜歡沙律中放車厘茄，酸酸地又開胃，放了芝麻醬有少少日式味，而且係我最喜歡的沙律醬汁因為佢同沙律菜的爽、香、甜好配。牛扒上菜了，我叫左medium 的，雖然牛扒係算比較薄身，但係冇因為咁樣而over cooked，依然都
一個月之前是浪漫的情人節，雖然老公唔算好浪漫，當日冇食燭光晚餐冇送花，但感情深厚嘅我哋又點會計較呢啲嘢呢……
不過適逢今日3月14號白色情人節，我哋兩個又咁啱早收工，得閑拍下拖，經過路經呢間看似幾浪漫格調有幾簡單的西餐廳，於是入內食個飯
裝修唔係走華麗氣派嘅路線，但內裏嘅環境比到我一種好舒服嘅感覺，佢叫casa338 ，casa 係家嘅意思，想店主應該想餐廳俾人一種家的感覺吧，坐低之後侍應亦都好親切咁樣招呼我哋。
每台都有鮮花做擺設，別具心思。而且木造的餐枱餐椅比佢仲好溫馨嘅感覺！呢度食飯真係豐儉由人，看餐牌都係＄100左右可以有一個餐，算係幾抵食，例如我老公咗嗰個燒春雞set dinner都只不過係＄98，而我就想試下個和牛扒，300都唔使就可以食到和牛扒！
個餐有湯有沙律有包包，都幾齊全，我哋兩個都叫咗羅宋湯，幾開胃。
兩個沙律成雙成對放在一起，睇落特別可愛，沙律菜幾新鮮，特別喜歡沙律中放車厘茄，酸酸地又開胃，放了芝麻醬有少少日式味，而且係我最喜歡的沙律醬汁因為佢同沙律菜的爽、香、甜好配。
牛扒上菜了，我叫左medium 的，雖然牛扒係算比較薄身，但係冇因為咁樣而over cooked，依然都係medium , 牛味十分之香，和牛果然係唔同啲。而且即使薄身一點都是不錯的口感，慢慢切一細片一細片的牛扒在口中咀嚼，軟身的和牛肉，滲着香濃的肉汁同牛脂，與此同時又可以享用旁邊爽身的意粉，不錯。上碟時見到個意粉，好似有啲dry，但食落都係好夠味，幾香。
老公真係識食，揀了春雞，想起其實都真係好耐冇食燒春雞，成日覺得可能係會燒到啲雞肉好鞋，但係反而呢個燒春雞令我哋覺得好驚喜，燒得個雞皮得好香脆，裏面啲雞肉仲好有雞味，而且幾軟滑，正！
其實呢度仲有生蠔食，而且價錢好似幾底，不過可惜我呢兩日腸胃唔舒服，老公不容許我食生冷野，唯有下次來先再試啦……
老公仲試咗熱情果味嘅啤酒，佢皇恩浩蕩咁俾我試咗一啖，我覺得不錯！尤其係女仔應該會幾啱飲，因為果味好重好香。
張貼
