ZAN CHEE (新城市廣場一期) (已結業)

天氣好熱，就想快啲買完嘢，返屋企開大冷氣， 坐係屋企邊度都唔去！喺一田行完街買完餸之後順便去買韓式便當！其實早起靚過以前我已經買過一次覺得幾好食！佢一個便當可以食六種菜式小食，仲有埋高纖維嘅紅糙米飯！賣相幾吸引！我揀咗韓式炒牛肉便當🍱韓式炒牛肉係三大格嘅其中一間！好吸引！佢哋嘅泡菜仲好新鮮唔算好辣，食落去好開胃！仲可以試埋佢哋嘅甜辣炸雞，比想像中更香脆！就咁睇都有三四塊，每件炸雞都沾滿甜辣醬薯仔煮得軟身，甜甜地鹹鹹地，不錯！仲有韓國辣椒開胃前菜紅米煮得香軟， 口感豐富！ 鵪鶉蛋以醬汁炮製，份外入味！包裝精美嘅便當就咁拎返屋企就得啦！