在家居酒屋 (已結業)

前排想去食但咁啱撞正佢地休息，今晚終於有得試！餐廳係型格水泥風装潢嘅日式居酒屋～餐牌有勁多選擇，睇到我地都眼花撩亂，有各式串燒、鍋物及燒物等均有供應，亦有多款壽司及丼飯選擇！但一場黎到緊係要試啲特色野，分別叫咗個溫泉蛋海膽吞拖羅蓉丼同埋蟹肉蟹膏海膽丼！兩個丼之中蟹肉蟹膏份量最多，雖然外貌平平，但係好香蟹味！個碗一大部分都比佢填滿，份量勁滿足！至於兩碗嘅海膽都係差唔多質素，唔算好甜但都有海膽嘅香味！相對黎講拖羅蓉嘅份量算係比較少，不過食曬成碗飯都已經幾飽(^o^)期間我地仲叫咗兩份串燒黎食，月見雞軟骨棒同牛舌芯，雞軟骨棒份量比出面嘅要大條，食到粒粒雞軟骨，連埋蛋漿食一流！牛舌芯就好淋好香口，滿足！