Bella Shine (已搬遷) 新店位置

想過一個悠閒嘅星期六下晝，喺朋友介紹底下，試咗呢間有創意，有心思嘅餐廳。點咗個海南雞飯套餐，餐湯竟然係黃蕃薯湯，味道清甜，唔太稀。配上香草餐包，好夾。一般餐廳唔太著重餐包，但係佢地嘅餐包鬆軟，暖笠笠，仲有好濃香草味。主菜係海南雞飯，無骨雞好滑加上不一般嘅飯。碗飯原來係用煲海南雞嘅湯水煮出來的，唔似平時嘅雞油飯肥淋淋咁，好健康同埋有雞味。佢地仲用珍珠米嚟整，的確與別不同。餐廳嘅環境闊落，適合傾下計，hea下。下次我會選擇試佢地嘅晚餐，因為餐牌上嘅菜式配搭都好新鮮。