Artistry Brewing Company

營業中

休息中

星期一，如常的假期，本來諗住去長洲玩一日，但女朋友臨時有工作，所以就改咗期，約咗佢之前有留意嘅Artistry Brewing Company食午餐，舖頭位置北角地鐵站B4出口附近小巷，本身嗰度都好多嘢食，但估唔到小巷能隱藏咗咁多舖頭，舖頭位於巷尾， 可能人流唔係好多，所以冇乜客人，一入去店員已經立刻量體溫，安排座位，店舖有一種異國風情嘅感覺，完全唔似係香港，店員大多數都唔係香港人，可能未必識廣東話，但係只要基本嘅英文，已經可以溝通到，入面嘅餐牌係有中英對照，所以都唔需要擔心，我哋兩個人就點左白酒煮青口配法包，北海道扇貝野菌糙米飯，一杯熱嘅果茶，一杯熱黑啡，糙米飯好特別，裏面會有啲堅果，有啲石榴，份量唔係好大，我諗係屬於輕食，最特別留意嘅就係個白酒煮青口，佢個份量好多唔會得幾隻，味道好好，好值得推薦，薯條夠熱，呢個我諗係呢度必定要食嘅，果茶有一種似飲洛神花茶嘅感覺，咖啡偏酸個人就一般般，但唔係唔好飲，如果你哋經過嗰頭，不妨行入少巷，可能會有意想不到嘅驚喜，裏面嘅環境，有食物，樓面都感覺好有禮，喺北角來講佢嘅價錢會偏向中上，但係值得你試一下，放鬆吓，完