影片
更多
2021-12-05
47 瀏覽
趁著星期五happy Friday，忙完成個禮拜，終於可以約埋班朋友出黎鬆一鬆。鯉景灣海邊一帶有很多餐廳，今次揀左呢間比較新嘅The Blind Pig. 之前試過喺隔離嘅The Salted Pig食嘢，一問之下，原來兩間餐廳是同一集團。喺The Blind pig 甚至可以點埋The Salted Pig餐單上面嘅食物，選擇更加豐富。餐廳其實係一間酒吧，有好多外國客人一路睇波一路飲啤酒，氣氛不錯。Sharing snack platter咩都想試下食，所以叫snack platter就最啱啦。細細件，可以試多幾款。個小食拼盤有蘇格蘭雞蛋，豬皮脆片，脆豬肋骨，迷你牛肉漢堡，香料雞翼，蟹餅，酥脆魷魚圈，薯條。蘇格蘭雞蛋出面包左層免治豬肉同麵包糠，炸得好脆，入面係溏心蛋，啲蛋黃流出黎，蛋香充滿口腔。個迷你牛肉漢堡，唔好以為佢細細件，味道實在不錯呢。牛肉很juicy，份量又不會太多，食完仲有胃口食其他嘅小食。豬皮脆片咬落卜卜脆，簡直好似食緊薯片咁啊。點埋三個唔同風味嘅醬汁，真係好享受。魷魚韌韌地，𡁻落好有口感。Cold cut and cheese platter意式凍肉芝士拼盤，意大利風
Sharing snack platter
咩都想試下食，所以叫snack platter就最啱啦。細細件，可以試多幾款。個小食拼盤有蘇格蘭雞蛋，豬皮脆片，脆豬肋骨，迷你牛肉漢堡，香料雞翼，蟹餅，酥脆魷魚圈，薯條。蘇格蘭雞蛋出面包左層免治豬肉同麵包糠，炸得好脆，入面係溏心蛋，啲蛋黃流出黎，蛋香充滿口腔。個迷你牛肉漢堡，唔好以為佢細細件，味道實在不錯呢。牛肉很juicy，份量又不會太多，食完仲有胃口食其他嘅小食。豬皮脆片咬落卜卜脆，簡直好似食緊薯片咁啊。點埋三個唔同風味嘅醬汁，真係好享受。魷魚韌韌地，𡁻落好有口感。
Cold cut and cheese platter
意式凍肉芝士拼盤，意大利風乾火腿，莎樂美腸，意大利火腿，雜錦芝士，酸麵包，醃菜。
意大利火腿鹹鹹香香，配上無花果和杏脯果乾，一起吃很解膩。火腿的鹹味混合無花果的清甜，在嘴巴裡融合在一起，細細品嚐，味道恰到好處。
招牌豬手脆條
見到廚師推介，就試下啦。點知有意外驚喜。很大份，豬肉好入味，應該係醃製咗好耐。鹹淡啱啱好，而且豬肉一啲都唔老，亦唔會好肥膩。個醬汁有香茅味，能夠更加增加胃口。呢個菜式值得一試。
甜品 Banana Bread Pudding
身為螞蟻人，又點少得甜品。睇下dessert menu，揀左個香蕉麵包布甸。麵包布甸上淋上香甜的拖肥醬，布甸軟軟滑滑、入口即化，拖肥醬香味濃郁，再配上雲呢拿雪糕，為呢餐劃上完美的句號。
呢餐飯人均消費約$200。能夠吹住海風，望住夜景享受美食，是週末不錯的一個選擇。
張貼
