羅麥記 (V City) (已結業)

在懷舊風餐廳品嚐新派多士在久違的假期約左朋友係vcity行街，血拼到6點幾終於累累地要搵間餐廳叉叉電，於是佢就介紹左間懷舊餐廳 -羅麥記裏面既裝修好有八九十年代風格，除左唔同既懷舊擺設，仲有好多舊陣時既廣告壁畫，感覺上好似時光穿越左返去幾十年前咁。食物方面，我地叫左個鐵板牛排同埋職員誠意推薦既阿華田多士。鐵板牛排大大份，兩個人share都好夠，同埋佢落左勁多汁，唔怕會好似平時茶記咁食食下唔夠，墊底既薯條都係懷舊波浪薯條，可見佢地懷舊特色係細節上都有。之後就係呢個阿華田多士啦，六舊大大舊既多士烘得香脆，而且好邪惡地落左好多煉奶同埋阿華田粉，食落去好香阿華田味，果然無介紹錯，呢舊野係必食！最後我地為左中和下油膩感叫左個菜菜黎講略嫌蠔油不夠，但係無煮得太老，而且比較健康，食落去係少油既，當係消除頭先食牛排同多士既罪咎感啦。