影片
更多
2023-09-07
23 瀏覽
✒懶人先睇總結-❀食物：主菜做得唔錯，雞肉Juicy調味恰當。食物方面算係幾有驚喜嘅～❀服務：店員妹妹好靚女同熱情，好有中東氣息嘅鄰家女孩feel🥹 笑容100分，係大大嘅加分位！❀環境：餐廳定位係Fine Dining質素，雖然位置有啲偏僻，但係裝修幾grand👍❀價錢：2人埋單 $1,030 (非常飽)-✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐✒有興趣再詳細睇-第一次食猶太菜，唔係人哋帶都未必搵到咁正宗嘅地方。呢間餐廳定位係Fine Dining，一步入餐廳就感覺到高級莊嚴嘅氣氛。本來以為未必啱胃口，但主菜嘅烤肉都做得唔錯，我同友人都幾乎清盤😋-餐廳香港人面孔唔多，真係好似亂入咗去中東國家咁！旁邊就係莊嚴嘅祈禱地方，撞正佢哋集會完咗就經過隔板一堆人過嚟食飯🤣 但本來人流唔多，靠近落地玻璃窗嘅位置更可以俯瞰到尖沙咀嘅街景，氣氛都幾浪漫～-🎈Mezze Platter ($128)唔少中東菜餐廳都會見到呢款Platter，由數款冷盤組合而成。一份一般包括Pita Bread，可以沾上Mezze Platter中嘅蔬菜泥一齊食🤔 而呢到嘅Pita Bread夠哂熱，同埋似乎
-
❀食物：主菜做得唔錯，雞肉Juicy調味恰當。食物方面算係幾有驚喜嘅～
❀服務：店員妹妹好靚女同熱情，好有中東氣息嘅鄰家女孩feel🥹 笑容100分，係大大嘅加分位！
❀環境：餐廳定位係Fine Dining質素，雖然位置有啲偏僻，但係裝修幾grand👍
❀價錢：2人埋單 $1,030 (非常飽)
-
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒有興趣再詳細睇
-
第一次食猶太菜，唔係人哋帶都未必搵到咁正宗嘅地方。呢間餐廳定位係Fine Dining，一步入餐廳就感覺到高級莊嚴嘅氣氛。
本來以為未必啱胃口，但主菜嘅烤肉都做得唔錯，我同友人都幾乎清盤😋-
餐廳香港人面孔唔多，真係好似亂入咗去中東國家咁！旁邊就係莊嚴嘅祈禱地方，撞正佢哋集會完咗就經過隔板一堆人過嚟食飯🤣 但本來人流唔多，靠近落地玻璃窗嘅位置更可以俯瞰到尖沙咀嘅街景，氣氛都幾浪漫～
-
🎈Mezze Platter ($128)
唔少中東菜餐廳都會見到呢款Platter，由數款冷盤組合而成。一份一般包括Pita Bread，可以沾上Mezze Platter中嘅蔬菜泥一齊食🤔 而呢到嘅Pita Bread夠哂熱，同埋似乎比出邊做得更鬆軟👍
-
👉 Hummus
鷹嘴豆泥係Mezze Platter中出現嘅常客，唔鍾意食豆嘅人就未必鍾意啦。呢到嘅hummus 俾我食過酸一點，帶有一點顆粒感。
-
👉 Tahina
芝麻醬嘅口感會比 hummus 更smooth，當中更加加入左花生同青檸，作為開胃菜味道都係偏酸少少嘅。
-
👉Tomato Salad
呢個係四款中我同友人最中意嘅，蕃茄味突出，味道帶點微辣幾惹味～
-
👉 Carrot Salad
主要係蘿蔔絲混入蒜蓉同沙律醬，去到後尾Main食肉嘅時候就不停返轉頭食呢個沙律，因為口味會清爽返啲😋
-
🎈Home-made Kobe ($128)
係一粒牛肉丸咁，一份有兩大嚿。原本怕呢一類菜係做出嚟嘅牛肉會好騷，但食落驚喜地係外脆內軟，而且肉味係比較light嘅。旁邊配搭蕃茄醬同微辣嘅Green Chilli Sauce，味道幾特別🤔
-
🎈Falafel ($108)
靚女店員介紹Falafel係中東嘅蔬菜球，炸香之後外脆內軟。表面明顯會食到一粒粒脆脆嘅口感，焦香味十足👍👍
-
🎈Grilled Chicken Fillet with French Fries ($278)
烤雞扒我覺得是店內必點的！一切開已經見到中間嘅肉汁滿滿，表面嘅醃料亦非常香口惹味🤤🤤 旁邊配搭薯條同埋醃菜，飽肚又好吃👍
-
🎈Traditional BBQ Chicken in Skewers with Vietnamese Rice ($278)
雞肉串燒同雞扒嘅味道都幾相似，同樣肉汁滿滿同嫩滑，調料香口。一份嘅份量都好足，所以建議如果叫咗烤雞扒就未必需要叫呢一份了。反而 Vietnamese Rice我覺得比較特別可以一試，有少少似豉油撈糯米飯🤔
-
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒其他小資訊
👉訂位：Phone Booking
👉優惠：🈚️
張貼
