Wanna Eat

營業中

休息中

喺日式木系文青 cafe 食港式茶記早餐原來感覺好正😲，講嘅係新蒲崗嘅 Wanna Eat，呢度早餐有五個港式選擇同兩個英式選擇，我毫無懸念揀咗沙爹牛肉麵配炒滑蛋同牛油厚多士。沙爹牛肉偏甜，醬汁入面有洋蔥同三色椒粒粒，唔係平時食開嘅味道，但係都幾濃幾好食，麵底用咗成本較高出前一丁，呢度有分加👍；炒滑蛋同牛油多士正常水準；至於成個早餐最正係杯咖啡，既香濃，口感亦醇和，根本就係平時 cafe 咖啡嘅級數，建議唔加糖奶，可細味咖啡最原始味道。呢個早餐盛惠三十六蚊，我覺得剩係杯咖啡已值回票價😂。