日和号壽司料理 (已結業)

呢日向啟德公園玩，離開時已經差唔多食晚飯時間，我地行左過黎MegaBox 睇下有咩食，想食日本野就上左10樓睇下，經過門口有店員話今日抵食呀，呢個餐牌做緊半價，於是一家大細就跟店員入左餐廳坐，本身想座列車既卡位。但因為間左板唔可一家人坐，就座左另一處卡位。餐廳中間有一列車星期一至五可以半價單點壽司刺身，非常抵款式都好多刺身點了帶子，北奇貝，非常新鮮稻荷吞拿魚沙律，玉子壽司6寸三文魚小朋友最愛既兒童餐-兒童吉列套餐$58都幾豐富，有蟹籽沙律，炸蝦，肉丸，薯角 仲有啫喱做甜品除左壽司刺身，我們仲叫左石鍋辛辣海鮮讚歧烏冬$88湯底非常惹味，海鮮有青口，蜆，蝦，另有木耳，溫泉蛋份量十足炸物：炸魷魚配他他汁$52鬆脆又彈牙惠顧兒童餐小朋友仲可以玩一次扭蛋幾開心。埋單加埋一400多少少，都okay 。唔洗等位店員服務都幾好，環境唔嘈都算乾淨。下次會再來。