Chalet (已結業)

周末同家人出街食飯，餐廳內裏裝潢似小木屋，配上柔和的燈光，有種遠離繁囂既感覺。我地一人點咗一個lunch set, 分別係烤加拿大豬鞍配焦糖肉桂蘋果（$158）同法國麵包蟹燴意大利飯（$218）。餐湯係南瓜忌廉湯，南瓜味香甜濃郁，而且飲落順滑，感覺健康~烤加拿大豬鞍配焦糖肉桂蘋果頗出色：豬鞍肉質鬆軟多汁，未點醬汁已經好好味，加埋醬汁就更突出濃厚既肉味。配菜係肉桂蘋果、薯仔、青瓜等，中和返肉類既膩感。法國麵包蟹燴意大利飯造型有趣，黑色的蟹鉗插在金黃色的飯上，就像麵包蟹跟你在海灘玩捉迷藏似的。意大利飯不算硬，每顆都被醬汁包裹着，與蟹肉絲和芝士脆片混合在一起吃，味道不錯！餐飲係凍cappuccino同熱朱古力，兩者都唔錯。