津記車仔麵 (已結業)

經過翠怡花園，發現咗呢間新開嘅 #津記車仔麵，設計同裝修好有舊香港特色，所以就同朋友入去試吓！除咗裝修有心思，摺枱摺凳都好有大排檔feel，而用來裝自家制嘅辣菜甫同蔥嘅「萬壽無疆茶杯」亦好有特色。點咗三餸麵，湯底揀咗沙嗲醬，老闆話幾辣下，所以將醬另外放匙羹上，果然！真係幾辣，但幾惹味！辣菜甫同蔥都係我杯茶，所以落咗好多，沙嗲醬再加辣菜甫，辣度再提升、更惹味，嚐辣嘅人一定要試吓！餸嘅選擇都幾多，酸齋、煙鴨胸、南乳豬手、麻辣豬腸 唔係間間有。我就揀咗最鍾意食嘅炸魚皮、炸魚肉春卷和魚片頭配粗麵，好豐富，而且每款餸都好味😋，配埋多蔥加辣菜甫食一流。