正品蕃茄湯麵店

營業中

休息中

在千色旁邊一條較少人行的街道，一間食店默默生存著，以為一直只做午市同晚市，突然有日行過發現，竟然有早餐餐牌！原來佢新分店已先開始有早市，早餐得一款有蕃茄湯底，配火腿炒蛋連多士再跟餐飲，三十蚊起。入到去竟然無人！叫咗陣先有人出嚟，感覺怪怪。要烤多只得半塊，色澤很好但未到脆，火腿炒蛋以為係一齊炒，原來火腿係白烚，但蛋份量都多，厚身，一片火腿，兩件香茅魚餅，加米粉睇落好清淡，但香茅魚餅比預期好，咬落香茅味即時湧出，夠彈牙，就係細，不過以依個價錢早餐叫差唔多。