影片
更多
2018-04-13
273 瀏覽
某日約左大班朋友去蘭桂芳飲野, 由於未夠鐘, 於是先聯同其中一個朋友去左蘭桂芳附近的一間餐廳食D野醫下肚先. 一入到餐廳, 第一感覺就係燈光昏暗有情調, 感覺似去左酒吧, 完全唔覺得自己係黎食中菜. 果然發現餐廳中間原來設有酒吧位, 除左食飯 平時仲可以同三五知已過黎飲酒談心. 裝修同時采用了中西風, 貼合左 “新派中菜” 的風格. 可能係位於蘭桂芳隔離街的原因, 基本上所有餐廳職員都係非華人, 清一色全英文溝道. 呢到的中菜原來好多菜式都加入左東南亞國家菜式元素, 非常特別, 令人眼前一亮. 係職員的介招同推介下, 點左幾款小菜. 泰式鳳尾蝦 配 菠蘿, 青蔥 用cocktail杯裝住的鳳尾蝦, 單看外形就已經十分特別又吸睛. 蝦肉係半熟狀態, size大隻又啖啖肉, 非常新鮮彈牙加爽口. 加上泰式的甜酸醬汁, 酸酸甜甜咁, 清新又開胃. 而配料新鮮菠蘿都十分唔錯, 香甜又多汁. 蒸點心併盤 點心併盤 包括有 蝦餃皇, 南澳帶子鳯眼餃 & 海苔素粉粿. 蝦餃皇的外皮薄而Q滑, 質感半晶瑩. 裡面啲餡非常飽滿, 一啖咬落去就咬到彈牙爽口的大隻蝦仁, 果然落重料.
果然發現餐廳中間原來設有酒吧位, 除左食飯 平時仲可以同三五知已過黎飲酒談心.
裝修同時采用了中西風, 貼合左 “新派中菜” 的風格.可能係位於蘭桂芳隔離街的原因, 基本上所有餐廳職員都係非華人, 清一色全英文溝道.
呢到的中菜原來好多菜式都加入左東南亞國家菜式元素, 非常特別, 令人眼前一亮.
係職員的介招同推介下, 點左幾款小菜.
泰式鳳尾蝦 配 菠蘿, 青蔥
用cocktail杯裝住的鳳尾蝦, 單看外形就已經十分特別又吸睛.蝦肉係半熟狀態, size大隻又啖啖肉, 非常新鮮彈牙加爽口. 加上泰式的甜酸醬汁, 酸酸甜甜咁, 清新又開胃. 而配料新鮮菠蘿都十分唔錯, 香甜又多汁.
蒸點心併盤
點心併盤 包括有 蝦餃皇, 南澳帶子鳯眼餃 & 海苔素粉粿.
蝦餃皇的外皮薄而Q滑, 質感半晶瑩. 裡面啲餡非常飽滿, 一啖咬落去就咬到彈牙爽口的大隻蝦仁, 果然落重料. 再加上筍絲同豬肉等等的調料, 味道鮮甜味美, 好正!
南澳帶子鳯眼餃 的口感同味道同蝦餃皇相似, 特別之處係上面的大隻南澳鮮帶子, 味道鮮甜, 口感彈牙;
海苔素粉粿 的外皮更晶瑩通透, 口感Q滑, 裡面的素菜同菇粒味道淡而清, 口感&味道都唔錯.FANG FANG 烤肥鴨 (半隻)
係 “起片” 前, 職員會先將完好的半隻鴨拎出黎俾大家過一過目, 睇下樣, 影下相呃下LIKE.油光閃閃兼香噴噴的肥美烤肥鴨真係吸引死人, 簡直令人流哂口水~~~
之後拎入廚房後, 半隻鴨話咁快已經被 “起片” 完;
烤鴨外皮焦脆內裡肉嫩, 香氣撲鼻. 再配上大蔥絲, 青瓜 及 烤鴨甜醬, 用薄餅包住食, 肥美香口中又帶有蔥絲&青瓜的辛辣&清新味覺, 肥而不腻~ 正!
雜菌炒鮮露筍 內的 鮮露筍顏色鮮嫩都幾粗身, 口感爽脆, 味道都幾清甜. 食完烤鴨後再食返個清清地的炒露筍, 感覺清爽~FANG FANG招牌炒飯
炒飯炒得夠乾身, 飯粒粒粒分明唔會油淋淋. 而飯粒口感比平時一般食的飯較為煙韌,唔會太過硬身, 非常好. 配料有黑毛豬, 鮮百合, 毛豆 & 雞蛋. 鮮百合鮮脆, 味道甜甜地, 而新鮮毛豆就較為硬脆有口感. 比較特別係黑毛豬肉粒, 應該經過醃制風乾, 所以較有口感, 越咬越有肉香.炒飯整體都唔錯, 都幾好味~
張貼
