影片
更多
2018-08-08
71 瀏覽
以前喺荃灣返工周不時都會去路德圍食下野，呢日同朋友經開，先發現內街有間越南餐廳，見有少少餓就入去試下～店內環境好闊絡，裝修簡潔舒適，木桌椅、天花掛滿既竹帽都充滿越南風味。黎到越南餐廳當然要試下湯粉麵第一次試呢款口味既湯底，蕃茄味濃郁，仲有幾舊煮到淋哂既蕃茄咬下，面頭淋上蟹頭膏，比起落牛肉更提鮮。熟牛肉分開上，牛肉本身既調味唔會俾湯沖淡，雖然略帶油膩，但煎得好香口稔身最怕牛肉整得太熟好似柴皮咁。下午茶餐亦配有小食追加，+$20有就兩串串燒雞肉。雞肉肥瘦適中，口感嫩滑有油香，外皮燒得略脆，配上串燒必備既沙嗲醬好惹味，沾上花生粒更添口感。第一次食，問店員先知原來檳海係以米粉壓成薄餅狀，食落軟身，帶有少少煙韌，味道清清地，比起配飯/麵食落感覺更輕盈，夏天好岩食，因為唔滯燒牛肉份量好多，充滿蒜香，有剩既仲可以用旁邊既生菜夾住黎食，一味兩食值得一讚既係呢度既牛肉生熟都拿捏得恰到好處，保持到肉質嫩滑不韌。除左湯粉，米紙卷亦同樣有代表性，唔少得～呢款拼盤有香葉、軟殼蟹同豬頸肉三種口味，每款有三件，菜如其名適合三五知己開心share。大大件，每件都有桔咁大，米紙薄得黎口感煙韌，而且餡料極豐富，蘿蔔、青瓜
以前喺荃灣返工周不時都會去路德圍食下野，呢日同朋友經開，先發現內街有間越南餐廳，見有少少餓就入去試下～
店內環境好闊絡，裝修簡潔舒適，木桌椅、天花掛滿既竹帽都充滿越南風味。
黎到越南餐廳當然要試下湯粉麵
熟牛肉湯檬粉（番茄蟹頭膏湯）
$46
8 瀏覽
0 讚好
0 留言
熟牛肉分開上，牛肉本身既調味唔會俾湯沖淡，雖然略帶油膩，但煎得好香口稔身最怕牛肉整得太熟好似柴皮咁。
雞肉串燒
2 瀏覽
0 讚好
0 留言
下午茶餐亦配有小食追加，+$20有就兩串串燒雞肉。
雞肉肥瘦適中，口感嫩滑有油香，外皮燒得略脆，配上串燒必備既沙嗲醬好惹味，沾上花生粒更添口感。
燒牛肉檳海
$45
4 瀏覽
0 讚好
0 留言
第一次食，問店員先知原來檳海係以米粉壓成薄餅狀，食落軟身，帶有少少煙韌，味道清清地，比起配飯/麵食落感覺更輕盈，夏天好岩食，因為唔滯
燒牛肉份量好多，充滿蒜香，有剩既仲可以用旁邊既生菜夾住黎食，一味兩食
值得一讚既係呢度既牛肉生熟都拿捏得恰到好處，保持到肉質嫩滑不韌。
除左湯粉，米紙卷亦同樣有代表性，唔少得～
三五知己米紙卷拼盤
$88
8 瀏覽
0 讚好
0 留言
大大件，每件都有桔咁大，米紙薄得黎口感煙韌，而且餡料極豐富，蘿蔔、青瓜、檬粉、扎肉、生菜塞到滿滿，個口細啲都擺唔入，要分幾啖食
個人最中意軟殼蟹，大隻得黎炸得唔油，外脆內軟，雖然唔係好厚肉，但食起黎脆卜卜、好香口。
飲品方面各嗌左杯椰汁綠豆冰同牛油果沙冰。椰汁綠豆冰綠豆好多，無溝糖，唔會蓋住豆香，椰汁味濃，飲得出落足料但又唔會太甜～
牛油果沙冰以煉奶同牛油果打成，店員好好咁幫我走甜剩落煉奶，出黎效果奶味香甜，入口濃厚滑順，伴有淡淡牛油果香
雖然叫沙冰，但質感似奶昔，唔會好凍，女士都岩飲～
張貼
