M18 (已結業)

話說放假出發行山前必須要食餐豐富才有力，本來想食新開果間茶記，但一見到人龍就唔想排。漫無目的朝著地鐵方向行，就諗起好似從未試過M18啲意粉（早餐飽點就試過），一於試下啦。餐牌有大約五、六款意粉，全部賣相都好吸引(嘻....我總是被照騙)而且本身鍾意食濃味嘢，一於試試龍蝦湯雞扒意粉啦。套餐包括飲品、麵包及意粉，大約七十幾蚊，我覺得以cafe黎講正常價啦，店舖又四正企理。奶茶是一貫的好飲，之前食早餐已經surprise個奶茶咁好味，因為始終對西式cafe奶茶有點卻步，最怕茶包加鮮奶果種，但這間應該係用茶記果啲絲襪奶茶，好正。果片排包要讚，唔係就咁比片包hae你，佢地有烘過個包然後才上碟，咬落少許脆口，從細節中見細心。龍蝦湯當然不能以高檔龍蝦敖煮極濃果種相比較，但仍然有足夠龍蝦味，而且不會死命加茄膏整色整水酸死你，加上雞扒皮脆肉嫩，太陽疍再為整體賣相加分，又夠大份，慢慢食完後充滿力量應付行山旅程。放假日有這個brunch 作開始，正！