牛車水餐廳 (已結業)

領匯無故大肆裝修樂富商場，而使不少稍具質素的食肆結業，令到太公無啖好食，憤慨莫名；一些本想「放佢一馬」的，太公也不得不將難吃的經歷公諸於世！牛車水是其中之一。如果我是一個正值發育期的中學生，但求平平地有野食填飽個肚就得，呢度係一個唔錯的選擇 - $30蚊上下有個有湯有麵包有main dish的午餐。但如果你稍為對食物有返d要求，我講係「稍為」，呢度，你最好避而遠之；一個咁討厭老麥的人如太公，都會建議你去食老麥好過。事發時是上個月3號，太公和同事兩人到此用午膳。牛車水只在三年前在舊亞視大樓上班時光顧過，因為食物質素太差，三年來沒有再光顧；是次是同事建議，也想一試其質素有否改善。不試即可，一試嚇死人；麵包是最好的，暖暖地，幾香甜，但質地太濕有d痴牙；白湯是以粉開出來的，吃得出來的粉質，而且都是味精。最出事的我點的咸魚雞粒炒飯。炒飯太乾也太硬，雞肉太佬又無味。成碟野，乾爭爭，只得味精味，食味全無，只能用作「攝取養份」而已，與豬餿無異；份量是多是多了，但這麼多的毫無食味可言的食物放到我面前，當我是豬麼？