影片
更多
2014-09-20
906 瀏覽
當晚共4人去食晚飯，當時大概8點幾，唔多人。睇緊餐牌既時候聽到兩位侍應一路執隔離枱一路傾偈:「嘩佢地下巴係咪串洞，食野食到一枱都係！」當時我地個枱只係係隔離，而兩位侍應亦以正常聲量交談。可能佢地冇專登要其他客人聽到，只係冇諗過客人聽到會點。首先做緊野期間咁大聲傾偈本身都冇禮貌，但重點係佢地傾偈既內容。佢係客人面前亳不忌諱咁講岩岩離開既其他客人壞話，我地作為客人會好唔好受。不單止聽落好哽耳，心入面仲會有條刺覺得會唔會我地一走佢就講我地壞話？食物其實一般，冇乜特別好與唔好，係做西餐但唔正宗既現代嘗試。見到餐廳同餐牌大概知道路線係用眼睇開心過用口食個啲，所以食物同心目中既預期差不多。叫左香菇羊扒、意粉、沙律、咖啡。沙律菜不太新鮮，而且沙律醬太多。咖啡都可以。香菇羊扒既肉麻麻地，有點老。係食食下香菇羊扒既期間，我媽媽趙趙下話香菇之間有趙唔爛既野，發現係一個好細既橡筋圈。因為朋友箍牙既時候我見過呢樣野，所以知道佢係箍牙用唻將上下兩排牙拉近既橡筋。我本身好驚香口膠，因為見到趙過既香口膠就會聯想到一舊野痴哂口腔入面所有既污糟野－－箍牙用既橡筋亦一樣。大家喺覺得嘔心到不得了（我有一度想嘔）既同時亦叫左
睇緊餐牌既時候聽到兩位侍應一路執隔離枱一路傾偈:「嘩佢地下巴係咪串洞，食野食到一枱都係！」當時我地個枱只係係隔離，而兩位侍應亦以正常聲量交談。可能佢地冇專登要其他客人聽到，只係冇諗過客人聽到會點。首先做緊野期間咁大聲傾偈本身都冇禮貌，但重點係佢地傾偈既內容。佢係客人面前亳不忌諱咁講岩岩離開既其他客人壞話，我地作為客人會好唔好受。不單止聽落好哽耳，心入面仲會有條刺覺得會唔會我地一走佢就講我地壞話？
食物其實一般，冇乜特別好與唔好，係做西餐但唔正宗既現代嘗試。見到餐廳同餐牌大概知道路線係用眼睇開心過用口食個啲，所以食物同心目中既預期差不多。叫左香菇羊扒、意粉、沙律、咖啡。
沙律菜不太新鮮，而且沙律醬太多。
咖啡都可以。
香菇羊扒既肉麻麻地，有點老。
係食食下香菇羊扒既期間，我媽媽趙趙下話香菇之間有趙唔爛既野，發現係一個好細既橡筋圈。因為朋友箍牙既時候我見過呢樣野，所以知道佢係箍牙用唻將上下兩排牙拉近既橡筋。我本身好驚香口膠，因為見到趙過既香口膠就會聯想到一舊野痴哂口腔入面所有既污糟野－－箍牙用既橡筋亦一樣。
大家喺覺得嘔心到不得了（我有一度想嘔）既同時亦叫左侍應過唻。侍應除左係咁講對唔住之外，冇提供過其他有建設性既方案。侍應提議換過一碟同樣既香菇羊扒，但個時已食得七七八八而且大家都冇可能再有胃口。侍應提議張單打九折，只係成功令到我地更加嬲。要明白：餐廳通常識人打九折、熟人（起碼）打八折、得罪人唔收錢。
性質上佢係俾左唔衛生既野人食，唔係好唔好食、岩唔岩食、食得開唔開心咁簡單。唔收費既目的除左係令到客人條氣順少少之外，仲係避免客人同其他人講、上網講、又或者更嚴重情況下向有關政府部門投訴。講得唔好聽，呢啲掩口費衰得就一定要俾。
最後侍應冇收到個碟香菇羊扒既價錢，但個香菇羊扒既餐湯另外加番落張單道…
題外話/補充資料：
雖然係話當晚我地已經係最後一枱，可能侍應廚師都攰同介心低左，但事實上無可置疑既係侍應唔識做人、冇禮貌；廚房唔小心、唔衛生。由一開始侍應講客人壞話、由廚房叫出門口叫朋友買啤酒，到箍牙橡筋，到危機處理等等都睇到員工經驗不足同埋好似冇掩雞籠既管理政策。每一樣野客人看左眼裏都對呢間餐廳形象大打折扣。一間餐廳成功與否唔單睇裝潢格調餐牌免費WIFI，留得住客人既始終係人。
建議要求廚房戴口罩。
(以上食評乃用戶個人意見 , 並不代表OpenRice之觀點。)
張貼