焱丸水產 (已結業)

話說我哋已經有6個月無去日本啦！真係有啲掛住日本啲餐廳 (好彩我哋2月去北海道)，求其搵一間都好好味。為咗尋找日本嘅味道，我哋就去咗銅鑼灣焱丸水產，入到餐廳真係以前自己去咗日本。聰明枝豆我聽過誠實豆沙包，記憶力香口膠，不過第一次聽聰明枝豆，我諗A姐真係要食多啲啦！嚟到熱辣辣，加埋少少海鹽，吊晒鮮味出嚟，正。炸蓮藕片蓮藕切得好薄，加上薄薄嘅炸粉，入口香脆，有淡淡嘅蓮藕甜味，一啲都唔油膩。刺身三盛刺身三盛有三文魚、油甘魚同帆立貝。嘩！全部都係厚切，尤其係三文魚，口感一流！三文魚肥美鮮甜，油甘魚魚油豐富脂夠，帆立貝爽口彈牙。特上壽司盛盒呢個壽司盛合有11款壽司，包括海膽、拖羅、帆立貝、三文魚腩、象拔蚌、三文魚籽、松葉蟹膏、松葉蟹肉、赤海蝦、鰻魚同吞拿魚蓉葱軍艦。特別欣賞壽司飯用咗赤醋，特別香。海膽，鮮味十足，有淡淡海水味。拖羅，脂肪分佈平均，魚油豐富。松葉蟹膏，味道濃郁，蟹味十足，鮮甜美味。吞拿魚蓉葱軍艦，葱同吞拿魚蓉配合得啱啱好，鮮甜美味。松葉蟹膏帆立殼燒原本諗住叫甲羅燒，不過點知賣晒，店員介紹松葉蟹膏帆立殼燒，隻帆立貝超級肥美，好厚肉呀，仲有一堆松葉蟹膏同牛油。店員會幫大家燒，咁就唔洗驚