影片
更多
2012-10-30
331 瀏覽
同老公喺屯門做完嘢要去屯門搵地方食晚，屯門市中心食黎食去都係個d chain restaurants，真係好悶!!! 一上開飯網，咦!! 係你啦，屯門咖喱屋!真係好少見到一間餐廳，全部係笑臉或者OK，但係一個 都無架喎! 我哋第一次黎，唔識路，屯門又整路，兜左幾個圈先入到。(要經小路，唔好出 highway 上橋就錯了~)不過真係好適合駕車人士，因為附近除了有有兩個 OK 大的停車場外，同埋大量嘅咪錶泊車位。不過呢間餐廳都幾難搵，我覺得個 address 如果寫 青山公路旁邊係7-11旁邊會好過寫 "彩華花園地舖"。 搵咗一大輪終於搵到喇!! 好彩早黎，6:15入座都係得我地與另一桌客人。都未到 6:40，間餐廳已經爆滿。七點鐘出面仲要企滿晒人等位添!! 裡面既環境雖然唔係話好華麗，但係都算坐得都幾舒服，而且唔覺得污蹧或者唔衛生。裏面嘅裝修好有印度的家庭feel，睇得出係一家人一齊開 & run restaurant，感到覺得其實都係一件幾sweet 既事嚟!坐低無幾耐，野食都未叫有個印度女人就拎咗四粒炸東東黎，不過凍左少少，熱返d 應該會再好味D。 兩個人真係好難叫野食。有餐叫，唔使
一上開飯網，咦!! 係你啦，屯門咖喱屋!
真係好少見到一間餐廳，全部係笑臉或者OK，但係一個 都無架喎!
我哋第一次黎，唔識路，屯門又整路，兜左幾個圈先入到。(要經小路，唔好出 highway 上橋就錯了~)
不過真係好適合駕車人士，因為附近除了有有兩個 OK 大的停車場外，同埋大量嘅咪錶泊車位。
不過呢間餐廳都幾難搵，我覺得個 address 如果寫 青山公路旁邊係7-11旁邊會好過寫 "彩華花園地舖"。
搵咗一大輪終於搵到喇!! 好彩早黎，6:15入座都係得我地與另一桌客人。都未到 6:40，間餐廳已經爆滿。七點鐘出面仲要企滿晒人等位添!!
裡面既環境雖然唔係話好華麗，但係都算坐得都幾舒服，而且唔覺得污蹧或者唔衛生。裏面嘅裝修好有印度的家庭feel，睇得出係一家人一齊開 & run restaurant，感到覺得其實都係一件幾sweet 既事嚟!坐低無幾耐，野食都未叫有個印度女人就拎咗四粒炸東東黎，不過凍左少少，熱返d 應該會再好味D。
兩個人真係好難叫野食。有餐叫，唔使煩!! 餐廳分別有數款套餐，其實都是大同小異，只是因人數不同，而其餐內的產品份量會多增，感覺上不真是多了太多款式。
2人餐包括都好多野食，有雞湯，燒雞塊，炒中式炒雜菜，五款選兩款咖哩，兩杯飲品，燒病同埋白飯。
服務真的很 efficient，叫了不久已經上雞湯。不過我覺得此湯味道可以，只是太鹹，而且好似好多味精咁。
反之，鐵板燒雞真的賣相一流，熱辣辣而且好香口，個味道好好而且又唔會話太鹹，很好吃~
跟住就上咗個兩個咖喱，五款好似可選 羊 (要加錢)，牛，牛舌，雞，蔬菜。我們選了雞和牛。兩款咖哩賣相好靚，份量 OK。而且口味好啱香港人，因為佢無正宗咖哩咁多印度嘅香料香草等，變相易左入口，較適合香港人嘅口味。而且啲咖哩好入味又好淋，唔會剩係得外面有味裏面係乾爭爭。老公都無彈，送白飯一流!!!
咖哩之後就上炒中式炒雜菜，雖然食落幾爽，好有鑊氣，但係我就略嫌佢有太多油，同埋鹹得濟。如果可以清淡少少會更加好味!!
餐飲我哋叫咗一杯一個可樂另外一個加咗$15 要咗Mango Lassi。我同老公都覺得好好飲，因為杯野係忙果奶乳酸，飲落係偏酸的，但係好令人開胃。不過怕酸既人呢就或者未必啱啦!
雖然佢地方唔大，亦都唔係好靚裝修，但佢地一家人尚算有禮，而且佢亦都唔會話好急住趕你走。雖然只得我同老公兩個人，佢都安排咗一張四人桌比我哋，即使有客就亦唔會係你面前 hur 你食，催我哋走。
此頓晚飯為此屯門晚上寫上一個完美的句號~~
題外話/補充資料：
如果有機會再入屯門食飯我都會再黎呢間餐廳，menu 上其他 item d價錢都唔貴，炒咖哩蟹都係百幾，喺出面邊度有機會食到啊。仲要唔收加一，真係非常之價廉物美!! 誠意推介俾所有入去屯門食飯嘅朋友仔!! 不過要食嘅話就記住要早啲啦如果唔係真係要派隊啦:D
(以上食評乃用戶個人意見 , 並不代表OpenRice之觀點。)
張貼
