影片
更多
2010-07-13
7 瀏覽
2010年7月9, 婚後第一個牛一, 當然要賀賀佢, 揀左MIST, 因為想見識下其$100碗既拉麵有幾利害, 也儘量有喜慶才豪一豪其實之前都唔記得左要book位, 我也是7月8才book位的, 還好book到, 其實個心已經諗緊係咪無生意呢? 始終$100蚊碗拉麵唔係一般人經常可以幫襯既程度, 不過呢一個諗法在我地去到已經一掃而空我地6:30去到, 全餐廳只係得兩個人, 我地係第二pair, 心想唔通真係咁少人? 點知坐坐下人流就多了, 到我地食完走既時候, 全店around三十個位差唔多爆滿, 當時還未夠八點, 所以如果真係有心幫襯, 不妨訂位吧, 店子分bar檯和餐檯, 其實唔介意, bar檯可能更好, 因為是open kitchen, 可以看到師傅做麵既手藝一坐底, 一位看來高級點的女侍應已經介紹餐牌, 老實講, $100碗拉麵, 我真係希望食完唔會覺得唔值, 女侍應很專業, 不愧為高級餐廳, 本想叫set, 但一問之下, 麵係細碗d的, 計過叫兩碗拉麵+頭盤應該仲好, 最後還是叫了一客頭盤香焗千葉縣幸福麥豬, 和一客豉油拉麵, 一客涼伴拉麵其實侍應有推介一款佢地自家品牌的日本
其實之前都唔記得左要book位, 我也是7月8才book位的, 還好book到, 其實個心已經諗緊係咪無生意呢? 始終$100蚊碗拉麵唔係一般人經常可以幫襯既程度, 不過呢一個諗法在我地去到已經一掃而空
我地6:30去到, 全餐廳只係得兩個人, 我地係第二pair, 心想唔通真係咁少人? 點知坐坐下人流就多了, 到我地食完走既時候, 全店around三十個位差唔多爆滿, 當時還未夠八點, 所以如果真係有心幫襯, 不妨訂位吧, 店子分bar檯和餐檯, 其實唔介意, bar檯可能更好, 因為是open kitchen, 可以看到師傅做麵既手藝
一坐底, 一位看來高級點的女侍應已經介紹餐牌, 老實講, $100碗拉麵, 我真係希望食完唔會覺得唔值, 女侍應很專業, 不愧為高級餐廳, 本想叫set, 但一問之下, 麵係細碗d的, 計過叫兩碗拉麵+頭盤應該仲好, 最後還是叫了一客頭盤香焗千葉縣幸福麥豬, 和一客豉油拉麵, 一客涼伴拉麵
其實侍應有推介一款佢地自家品牌的日本啤酒, 好像是比利時製完運來香港出售, 售價好像只是$3x, 不算貴, 奈何老婆呢期唔飲得酒, 不然必定一試, 還是留待下回分解吧
先來的是香焗千葉縣幸福麥豬, 所謂麥豬, 主要以小麥為主糧, 日本一向對牲畜非常好, 不然怎會有這麼多和牛, 麥豬也不例外, 一碟六件, 每件都層次分明, 基本上可分為三層, 肉經慢煮, 麥豬不愧為皇帝享受, 豬味濃郁, 豬皮明顯看到有些黑椒香草醃過, 鹹味層次剛剛好, 不點汁已經很好味, 再加上上面那洋蔥汁, 洋蔥汁很濃味, 又是另一味道, 最後那綠色的是牛油果, 用牛油果伴又是不同感覺, 如果兩人吃六件, 理應每人三件, 正好可試齊不同食法
頭盤已經如此質素, 心中已覺得沒來錯, 至於幾款拉麵中, 豉油拉麵是女侍應推介, 一碗拉麵只有一塊叉燒, 加一顆溏心蛋要$10, 叉燒則是兩塊$10
豉油拉麵加了一顆溏心蛋, 來到已經聞到豉油香, 豉油都有香味? 正是, 其實豉油是有豆味的, 一喝之下, 果然有豆香, 再吃一口叉燒, 叉燒雖薄, 但入口即化, 要做到這感覺, 必定不能是厚叉燒, 那圓形的叉燒, 肥瘦均勻, 怪不得入口即化, 再咬一口溏心蛋, 真的很溏心, 要做到溏心蛋其實不難, 其實我反而在意蛋白, 蛋白也有點點醬油/滷水味, 很正, 之後到荀絲, 爽口彈牙入味之餘味道剛好, 最後到那拉麵, 軟硬適中, 煮的時間剛剛好, 連蔥也是有分長蔥細蔥, 有心的廚師在不同地方搜索最靚食材已成潮流, 創辦人『森住康二』也夠膽把其創作拉麵的方法寫於紙上供人客參考, 對食飯既專重之餘, 也是其對自家拉麵信心的表現
涼伴拉麵則是冷麵, 冷麵沒有配料, 因為廚師覺得叉燒還是熱好, 而熱叉燒又不合冷麵, 冷麵麵質比湯麵彈牙, 冷麵醬汁配麵很夠味, 但齋喝比較咸, 建議是撈一撈冷麵就吃, 不要麵+汁一起吃, 這樣味道就剛好, 吃完之後正覺得無乜特別, 但原來還有驚喜
侍應見到我地食完, 就拿出一壺雞湯出黎, 話係用黎撈埋冷麵醬汁一齊飲的, 登時恍然大悟, 怪不得醬汁較咸, 其實侍應係落單時已有提及, 但自己真的見識少無用心聽, 只喝一啖雞湯試味, 雞湯很清, 沒鹽但雞湯味濃, 再將雞湯撞冷麵醬汁, 撞完後味道溫度都剛好了, 雞湯經醬汁咸味吊起, 鮮味俱全不油膩, 連溫度都是剛好可入口, 這個湯絕對是驚喜!
意猶未盡再吃甜品, 叫了一客綠茶焦糖布甸, 最近吃得老佛爺多, 對這很有期望, 布甸沒有燉蛋般滑, 但蛋味依舊香濃, 不過綠茶味再重一點會更好, 而且焦糖分佈不平均, 中間太多焦糖了, 吃起上來有點黐牙, 以之前熱食既水準來說是失色了
最後不忘比較一下在日本吃過的拉麵, 其實在日本, 吃一碗拉麵1000yen是正常不過的事, 折合香港已經$8x, 其實今餐真的吃得出材料的質素同廚師的功力心機, 所以最後結論係$100一碗拉麵絕對值得捧場!
張貼
