鯛魚魚湯專門店 (已結業)

黎鯛魚魚湯專門店食，緊係要食佢個鯛魚啦！雖然餐牌上全部都好想食，但我最後都係選左鯛魚片魚湯烏冬。首先緊係飲啖魚湯先啦！個魚湯奶白色，入口香滑，濃濃魚味，咸度適中，perfect！然後就係食塊鯛魚片！一啖一塊鯛魚片，size岩岩好。魚肉嫩滑，淋得黎又有啲彈性，淡淡魚香我鍾意！再黎啜條烏冬入口！烏冬係幼身啲，一啲都唔硬，入口滑溜。呢款烏冬真係好岩我，因為我最怕又粗又硬既烏冬，會食兩啖就飽晒，但呢間餐廳煮既烏冬我食完成碗飽飽都唔覺滯！我一定會再黎幫襯架！Btw, 餐廳既佈置幾 cute。