花臣車仔麵 (已結業)

唔講唔知開左新車仔麵店，以後黎開呢邊有多個輕食嘅選擇啦入店，攞紙揀餸，比錢再揀位坐，之後就可以乖乖等食，有店員送麵的，就算坐樓上都唔怕。貪方便坐左樓下，四方枱幾濶落啦，枱上有四種調味醬，有辣油正喎維他奶(+$11)&棟柚子蜜(+$8)好耐無飲過樽裝維他奶，叫番支先，跟餐加11蚊都幾合理啦。朋友要左柚子蜜，甜甜地夠大杯，冰涼又解渴。魚肉燒賣($12)見枱面有辣椒油就叫番客燒賣食下，好耐無篤燒賣啦，呢度12蚊8粒，同街邊差唔多價。燒賣煙煙韌韌，加埋甜豉油同辣油勁正墨汁墨魚餅，泡菜餃，紫菜公仔麵加XO醬($45)自己叫左三餸麵加XO醬，賣相不錯，份量也算合理。公仔麵幾彈無過淋，混埋紫菜一齊食正呀。呢粒黑色嘅係墨汁墨魚丸，爽口，入面仲有唔少墨魚粒粒，彈牙又有口感。泡菜餃味道一般，入面粉絲居多，無乜泡菜味。XO醬夠香微辣好惹味，平日係屋企淥麵都好鍾意加XO醬㗎炸蝦餅，咖哩魚蛋，韮菜餃油麵($40)朋友叫左呢幾樣同下面個炸魚皮，所以應該係四餸麵湯底要左清湯加沙嗲醬，幾香味道唔錯。蝦餅彈牙好食，魚蛋有點過淋而且咖哩味不濃，韮菜餃飽滿ok，油麵同湯底幾夾，整體黎講係好食嘅。炸魚皮($10)分開上的炸魚