Next Station Dessert (已結業)

旺角黑布街最近開咗好多甜品鋪～好…今日有時間就去試吓呢未試過嘅甜品舖啦！行行吓見到呢間next station ... 餐牌睇落好似幾吸引甜品嘅賣相精緻，所以我哋都決定入去試一試！可能係平日嘅關係，唔需要等位就入得去。入到去就被安排坐Bar枱，我同朋友都無乜所謂:）店員都好細心坐低咗後俾個鈎我地掛袋，個袋就咁唔使拎住或者放落地下。讚一下！入到去呢亦都周圍望下睇下人哋食乜，參考下人嘛，哈哈 見到都有好幾枱客人，都食緊佛手柑吉士配草莓分子啫喱！咁多人叫我哋都叫一個來試試啦！見到啲甜品咁精緻梗係一人叫一個啦咁我朋友就叫咗一個芒果拿破崙！齊齊開心share！終於到啦！佛手柑吉士配草莓分子啫喱終於到啦！賣相真係一流擺放得非常之精緻！又係相機食先嘅時間 長方形白色瓷碟上配上粉紅色嘅甜品，再加上點點嘅黃色點綴，其實真係一種藝術！外表就好吸引呀咁都要試吓係咪真係好味嘅！粉紅色嗰一層呢就應該係士多啤梨慕斯嚟嘅…咁然後再吉落去最底係一層脆脆 混合埋啲吉士一齊食係非常之有口感同有層次！而且甜度嚟講係啱啱好非常之適中唔會太甜！食到中間嘅時候仲有一種酸酸甜甜嘅味道！感覺都幾清新！食完整個亦都唔會覺得漏～而且要講