影片
更多
2006-07-03
27 瀏覽
我並唔係想所有人都唔去呢道食，只係想將本人的不快經歷與大家分享：前幾天晚上，我友人ＢＯＯＫ了Chef Lung 食法國私房菜，到步後，友人將車駛到一間有一個花園既村屋門口，此時，一個中年女子步出，指著門口旁說：「泊呢道啦！」由於我和太太及兩歲女兒先行落車，所以清楚看見佢，佢木口木面，完全欠缺笑容地說：「泊呢道啦！」我心諗「乜咁無禮貌既，見到客人又唔打招呼，又唔笑，我一家人企係到當我地透明！由於很多花草，我一家人唯有先行入內。可是我友人倒車時不小心撞到一個石牆（屬於公眾的，亦沒有損毀）該中年女子，面色即轉，黑著臉地告訴一個男人（後來得知是大廚），入到花園內，有一張長餐檯，已放了四份餐碟，我即刻心諗：「可能友人無問清楚是戶外的，因為當天的天氣都幾熱及四圍有很多花草，雖然我女兒貼了防蚊貼，但仍怕會被蚊咬。一會後，該中年女子指著該餐檯說：「坐呢度啦！」我太太即有禮地問她：「可唔可以坐入面（指著村屋內），小朋友驚有蚊咬！」點知中年女子答道：「入面呀！熱0的啦！」我心諗：「唔係呀，做食肆都無冷氣，態度重要咁串！我用＄２５０蚊一位既價錢0黎一間村屋食0野，你既態度居然咁差，本人礙於今日是友人生日，不
前幾天晚上，我友人ＢＯＯＫ了Chef Lung 食法國私房菜，到步後，友人將車駛到一間有一個花園既村屋門口，此時，一個中年女子步出，指著門口旁說：「泊呢道啦！」由於我和太太及兩歲女兒先行落車，所以清楚看見佢，佢木口木面，完全欠缺笑容地說：「泊呢道啦！」我心諗「乜咁無禮貌既，見到客人又唔打招呼，又唔笑，我一家人企係到當我地透明！由於很多花草，我一家人唯有先行入內。可是我友人倒車時不小心撞到一個石牆（屬於公眾的，亦沒有損毀）該中年女子，面色即轉，黑著臉地告訴一個男人（後來得知是大廚），入到花園內，有一張長餐檯，已放了四份餐碟，我即刻心諗：「可能友人無問清楚是戶外的，因為當天的天氣都幾熱及四圍有很多花草，雖然我女兒貼了防蚊貼，但仍怕會被蚊咬。一會後，該中年女子指著該餐檯說：「坐呢度啦！」我太太即有禮地問她：「可唔可以坐入面（指著村屋內），小朋友驚有蚊咬！」點知中年女子答道：「入面呀！熱0的啦！」我心諗：「唔係呀，做食肆都無冷氣，態度重要咁串！我用＄２５０蚊一位既價錢0黎一間村屋食0野，你既態度居然咁差，本人礙於今日是友人生日，不想弄至不開心，否則我一定立即走人！後來發現原來屋內有冷氣，由於呢個不快既經歷太長啦！以下簡短十五點如下：－
１）見面，無笑容說：「泊呢道！」
２）撞車後，變臉。
３）要坐入面，因為怕蚊，被串「入面呀！熱0的啦！」
４）自己同工人將戶外既碟拿回室內，完全忽視我地。
５）我地站在村屋外呆企，餵蚊五分鐘都唔叫我地入裡面等。
６）執好後，並沒有招呼我地入內，我地唯有自行坐下。(費事再企係出面餵蚊)
７）坐好後，問我地熱唔熱，太太答：「有0的熱，可唔可以開冷氣？」，老板娘答：「咁呀! 有0的麻煩喎！」佢又食煙（指住廳入面一個正在吸煙的阿伯）．．．我答：「你開冷氣，照開門咪得囉！！」老板娘面色再變！！黑著面地開冷氣。
８）老板娘問飲0的咩？由於我地唔飲酒又要駕車，我地見到身後一個櫃放了兩壼水，便說要水啦！（因為小朋友都可以飲），結果開了兩支蒸餾水俾我地，埋單時每支十蚊（食２５０蚊位既私房菜，有水都唔俾你飲，一定要收你兩支水錢。）
９）事前問過兩歲小朋友唔收錢，果然唔收錢真係無得食，碟、叉、水杯乜都唔比，好彩我自己有帶餐具！！
１０）訂位時無講有咩食，去到又無ｍｅｎｕ，估唔到佢上菜時又唔講係咩菜，我連頭盤同好多碟菜都唔知食
0左0的咩，放了些醬在檯面後就走，又唔講係咩醬。後來見我地無點先話用來點麵包，但0的麵包都已經差唔多食完啦。
１１）老板娘問：「你地係咪唔食鵝肝？」答：「係！」（因為訂位時己說明唔食），大廚立即答嘴：「係呀! 唔食架麻! 就算而家想食都無得食！」講到好似好巴閉，唔食係我地既損失咁！（令我和友人有0的尷尬！）
１２）我們將食完的蝦殼放在碟上，當上另一道菜時仍不換碟，我地唯有自行倒到大碟裏！
１３）自己倒完蝦殼，老板娘出現及說：「你地自己攪掂啦？」簡直令人氣結。
１４）用膳途中放了一隻狗入屋內，老板娘並說：「佢唔生性0架！你有小朋友，要小心0的！」佢咁樣講但又唔捉隻狗出去，我唯有望到實隻狗同我坐在凳上個女。
１５）用膳時候，突然停電，全屋黑哂，連坐我隔離既人都睇唔到，原來係村屋電力不勝負荷引致短路，好彩好快有翻電！！如果唔係．．．都唔知點算。
我以前亦曾到中環吃”私房菜”，比我既感覺好好，好舒服，我相信”私房菜”同”普通餐廳”最大分別係招呼好，同有親切感，因為一間大餐廳既大廚煮既0野就算幾好食，如果其他職員招呼或提供既各種服務做得唔好既話都會令人對呢一餐大打拆扣，相反，私房菜小本經營，就能夠做到啦！老板做埋待應招呼客人，又點會唔好呢？偏偏我今次就咁唔好彩遇到呢個ｅｘｃｅｐｔｉｏｎ啦！！
張貼