影片
更多
2020-11-28
1197 瀏覽
早前約了友人在此食lunch，結果係中伏。進入餐廳內，發現地板係十年無拖過地，黐立立到一個點係黐住我對平底鞋，要大力抽起隻腳先行到，個地下真係好污糟。我已經早一星期前就用openrice訂12：15pm，結果都係被安排坐係另一枱客嘅隔離，但係因為塊膠板面積太細，基本上隔離講嘢嘅口水係可以飛過黎我個邊，如果有食客因此中招，間餐廳就十四日唔洗開門做生意。坐低後，侍應問我飲咩茶，我話要香片，跟住佢先話無，只有三款可以揀，我心諗你一早又唔講？然後我求其叫咗四季春。之後侍應就話可以掃QR code點菜。我掃了QR code後，睇下有咩食，然後友人到了，我地便開始點菜，揀好後準備確認時，居然問我取餐時間，原來係叫外賣! 點唔到菜，唯有叫侍應，但無人理我地，等了3分鐘才有人過黎。跟住個侍應想掂我部手機，我即刻喝住佢唔好，因為我唔想之後又要消毒部手機，個侍應唯有叫我按去前頁，我依佢指示做，但都只係顯示取餐時間，侍應只好叫經理過黎，經理望了我手機後，要求影低俾佢去投訴，之後先肯死死地氣俾張點心紙，前後用了十分鐘。如果閣下唔係有兩個鐘頭食lunch，千期唔好去呢度。由於我見到隔離枱食龍蝦，所以想點，但係點
進入餐廳內，發現地板係十年無拖過地，黐立立到一個點係黐住我對平底鞋，要大力抽起隻腳先行到，個地下真係好污糟。
我已經早一星期前就用openrice訂12：15pm，結果都係被安排坐係另一枱客嘅隔離，但係因為塊膠板面積太細，基本上隔離講嘢嘅口水係可以飛過黎我個邊，如果有食客因此中招，間餐廳就十四日唔洗開門做生意。
坐低後，侍應問我飲咩茶，我話要香片，跟住佢先話無，只有三款可以揀，我心諗你一早又唔講？然後我求其叫咗四季春。之後侍應就話可以掃QR code點菜。
我掃了QR code後，睇下有咩食，然後友人到了，我地便開始點菜，揀好後準備確認時，居然問我取餐時間，原來係叫外賣!
點唔到菜，唯有叫侍應，但無人理我地，等了3分鐘才有人過黎。跟住個侍應想掂我部手機，我即刻喝住佢唔好，因為我唔想之後又要消毒部手機，個侍應唯有叫我按去前頁，我依佢指示做，但都只係顯示取餐時間，侍應只好叫經理過黎，經理望了我手機後，要求影低俾佢去投訴，之後先肯死死地氣俾張點心紙，前後用了十分鐘。如果閣下唔係有兩個鐘頭食lunch，千期唔好去呢度。
由於我見到隔離枱食龍蝦，所以想點，但係點心紙無，結果又要叫侍應過黎問，佢話係套餐黎嘅，我地問係邊度，佢因為太心急，結果將其中一塊餐牌整跌咗係地下，佢即刻執番就放番係我地枱面，但由於地下實在太污糟，嚇到我朋友即刻攞番起，然後又要叫經理過黎點個餐同埋攞走所有嘅餐牌。
隨後上菜時，因為張枱太細，基本上放唔到咁多嘢，所以用餐感覺一般。
經過以上嘅經歷，我地已經將呢間餐廳列入黑名單。
張貼
