影片
更多
2017-04-29
7509 瀏覽
Happy Friday!又係同老公出去覓食嘅好時機，今日下午同我媽媽加埋妹妹去觀塘睇開倉，行完都差不多夠鐘食晚飯，本身仲諗梗係APM可以食咩好，但諗諗下又怕happy friday 下APM會勁多人，應該好難搵位，我媽媽又慣左早訓，於是就試下去好耐冇食過嘅漢和。自從正宗嘅韓燒係香港流行之後，香港人人就少左去幫襯港式嘅韓燒，久違了的感覺，今日終於可以再試。好記得我細細個爸爸好鍾意一放假就帶我去食韓燒，一黎近屋企二黎夠多野，可以話係平價嘅buffet ,仲要係香口野，食港式韓燒最開心係有得自助形式選擇食物，仲要唔止係燒烤嘅食物，連熟食，魚生，湯類，甜品，生果都有，根本就係自助餐吧。先講返呢間漢和，地方夠哂大，仲有3間VIP房。接待員夠細心、眼見我有一個bb就安排左入VIP房坐女，bb唔會嘈到人又唔會比人嘈到，只係拎食物要行遠少少，但咁又有咩所謂？當做下運動。呢度有三文魚刺身同3款壽司，三文魚都夠肥美，而且refill得算快，壽司就係最常見嘅捲物同三文魚壽司，咁話哂三文魚係魚生中較平，呢點大家都明，170一個人仲想點？熟食方面真係多，有薯條、炒粉絲，炒菜，炒飯，多春魚，泡菜煎餅，仲有令人意
自從正宗嘅韓燒係香港流行之後，香港人人就少左去幫襯港式嘅韓燒，久違了的感覺，今日終於可以再試。
好記得我細細個爸爸好鍾意一放假就帶我去食韓燒，一黎近屋企二黎夠多野，可以話係平價嘅buffet ,仲要係香口野，食港式韓燒最開心係有得自助形式選擇食物，仲要唔止係燒烤嘅食物，連熟食，魚生，湯類，甜品，生果都有，根本就係自助餐吧。
先講返呢間漢和，地方夠哂大，仲有3間VIP房。接待員夠細心、眼見我有一個bb就安排左入VIP房坐女，bb唔會嘈到人又唔會比人嘈到，只係拎食物要行遠少少，但咁又有咩所謂？當做下運動。
呢度有三文魚刺身同3款壽司，三文魚都夠肥美，而且refill得算快，壽司就係最常見嘅捲物同三文魚壽司，咁話哂三文魚係魚生中較平，呢點大家都明，170一個人仲想點？
熟食方面真係多，有薯條、炒粉絲，炒菜，炒飯，多春魚，泡菜煎餅，仲有令人意外會有豬腳薑。每款熟食上面都會有一盞保溫嘅燈黎照住。
湯類有，韓式香辣海鮮湯，人參雞湯，中式老火湯同碗仔翅。
涼拌小菜有泡菜，芽菜，雲耳，青瓜，辣蘿蔔。仲有沙律菜。
甜品有豆腐花，涼粉，椰汁糕，桂花糕，牛奶布甸同雪糕。
燒烤配料都好多種類，有牛肉，牛脷，牛肋骨，肥牛，豬肉，豬扒.........仲有魚呀，魷魚呀，香腸火腿同菇類等。
熟食我只揀左少少，多春魚唔會話整到太乾身或者散哂，不錯。泡菜煎餅就反而食唔出有泡菜？！只食到有九菜。
薯條唔洗講啦，都係一pack pack個d啦。
涼伴前菜就覺得個泡菜唔錯，起碼唔會有陣怪味，芽菜夠入味，菠菜都唔錯。
燒烤方面我地燒肉類多，特別係五花腩。五花腩嘅皮被燒過會變得彈牙又唔會太肥。另外我個人好鍾意食牛脷，難得呢度嘅牛脷唔會好穌。牛肋骨就超入味，牛肉都淋，連我少食牛嘅媽媽都專攻牛肋骨。
但我試過個羊肉就超超超穌....完全頂唔順...............
甜品我迲食左椰汁西米糕，但明個層嘅椰汁唔知點解好咸？！
每次食左韓燒都會食少少野下下火，呢度有涼粉，解決左呢個問題。
湯我飲左韓式香辣海鮮湯，好夠辣但又幾香，我明明一路話好辣但飲左2碗。佢入面都足料，有魚肉、蝦，魷魚。
人參雞湯都幾好，有少少人參味（當然都係個句，百幾蚊仲想點？！），但都好正。
飲品方面，全部都係罐裝飲品 ， 仲有韓國牌子嘅啤酒。
星期五晚就170左右一個人（未計加一）算係唔錯了，間唔中食一次滿足一下都唔錯。
張貼
