極品靚鍋 (已結業)

同爸爸食火鍋，放題就最適合啦，又可以任飲飲品、任食甜品，大鴻輝火鍋店有好多，我都差唔多食晒～今次就去間新開嘅試下，地方非常寬敞，樓底有一倍咁高，空間感十足，座位非常闊落，店上有足夠位置放食物～可以直接於雪櫃拿蔬菜同飲品蔬菜選擇有唐生菜、旺牙白、冰菜等等，飲品選擇好多，仲有自家製涼茶，食火鍋都可以飲夏枯草降下火～我揀左A餐，豬牛羊都可以食到，追加左幾碟牛同豬～另外丸類都好出色，中間有餡料，咬下好有肉汁～小食有麻醬秋葵，幫助消化，泰式鳳爪無骨，方便食用又開胃，食多多都仲得～～雪糕仲有好多味道選擇～