太興 (已搬遷) 新店位置

今晚黃色暴雨，好多地方大雨之外仲要落雹，打爛哂啲商場玻璃，本來打算去又一城同媽媽食飯，好彩最後去返屋企附近搵食。因為想食蒸魚，但得兩個人所以最後去咗太古城附近太康樓嘅太興。叫咗冬菇蒸龍躉球，蒜蓉炒菜心 同楊州炒飯。值得一提，呢間分店樓面地方寬敞兼且樓底特高，座位亦舒服有別其它分店，落本裝修讓食客舒服用餐，抵贊！埋單 $210 ，價錢公道，如果同另一大集團翠華比較，呢間太興舒服同感覺企理好多。