影片
更多
2013-12-11
1219 瀏覽
同B君兩個去食個早餐，雖然係閒日，十點幾都仲係坐滿人。唔知係咪旅遊書推介，唔少幫襯嘅都係遊客。同好多舊式茶餐廳一樣，金鳳主打嘅係新鮮出爐嘅麵包同蛋撻。裡面地方細細座位唔多，有幾張圓台同幾張卡位。呢度嘅卡位窄嘅程度，係除左件外套都唔會有位擺。值得一提嘅係呢度嘅員工，大多數都係上左年紀，佢地間唔中會傾下計，搭下膊頭。一路食早餐一路睇住佢地互動，其實幾溫馨，幾窩心。至於食物方面，我同B君分別叫左個 “豐富早餐B” 同 “豐富早餐C”。呢度嘅早餐大大份，不過價錢都唔便。HK$31一個早餐，菠蘿油仲要額外加 HK$2。不過野食的確唔錯。沙爹牛用嘅係鮮牛肉，沙爹味濃，面唔會太淋，幾好味。菠蘿油雖然唔係新鮮出爐，送到黎已經得少少暖，不過仍然好脆！最滿意係杯奶茶，茶味濃郁，夠滑，不過奶稍微落重手左少少。不過個火腿奄列令我有少少失望。蛋太熟，凍凍地，好普通。總括黎講，金鳳係眾多舊式茶餐廳黎講表現唔算特出。不過勝在裝修同味道都保持住舊香港特色，唔怪得咁多遊客黎。
同好多舊式茶餐廳一樣，金鳳主打嘅係新鮮出爐嘅麵包同蛋撻。
裡面地方細細座位唔多，有幾張圓台同幾張卡位。呢度嘅卡位窄嘅程度，係除左件外套都唔會有位擺。值得一提嘅係呢度嘅員工，大多數都係上左年紀，佢地間唔中會傾下計，搭下膊頭。一路食早餐一路睇住佢地互動，其實幾溫馨，幾窩心。
至於食物方面，我同B君分別叫左個 “豐富早餐B” 同 “豐富早餐C”。呢度嘅早餐大大份，不過價錢都唔便。HK$31一個早餐，菠蘿油仲要額外加 HK$2。不過野食的確唔錯。沙爹牛用嘅係鮮牛肉，沙爹味濃，面唔會太淋，幾好味。
菠蘿油雖然唔係新鮮出爐，送到黎已經得少少暖，不過仍然好脆！
最滿意係杯奶茶，茶味濃郁，夠滑，不過奶稍微落重手左少少。
不過個火腿奄列令我有少少失望。蛋太熟，凍凍地，好普通。總括黎講，金鳳係眾多舊式茶餐廳黎講表現唔算特出。不過勝在裝修同味道都保持住舊香港特色，唔怪得咁多遊客黎。
張貼
