醉潮館

營業中

休息中

🥢地痞風味潮菜館🥢突然之間心血來潮 想重温街邊食小菜啤一啤嘅路邊攤風味 於是嚟咗荃灣三陂坊食潮州嘢-🍲砂鍋卜蜆煲先來一個熱辣辣煲仔小菜😬 蜆煲加菜鍋 呢個係二合一嘅食法 配菜有清甜白蘿蔔/爽脆香芹仲有粉絲卜卜蜆屬於珍寳size🥹 邊煮邊食 蜆肉肥美飽滿 柔韌耐嚼 清湯熱度夠加上吸收咗卜蚌嘅鮮甜 非常原汁原味-🦪鴨蛋煎蠔烙蠔仔入口唔腥不過要趁熱食 用鐵板上會好啲 不過我食唔出鴨蛋同雞蛋嘅分別🙄-🥬雪裏紅蝦乾芥蘭煲夠熱度有火氣🔥 芥蘭翠綠 食落爽脆嗦嗦聲 加埋雪裏紅同蝦乾嘅鹹香惹味 啤一啤佢🍺 確係very good -📍醉潮館荃灣三陂坊30號地舖