赤橋拉麵 (已結業)

喺屯門區人生路不熟，朋友就推介我哋去試赤橋拉麵，感覺地道，仲有一家四口嘅日本人坐隔離枱，而且咁啱遇著3周年慶祝活動，食滿$100可抽獎一次，大獎係北海道米一包！（不過我哋只抽中紙巾一包，哈哈）海老豚骨沾麵 $85平時沾麵會比湯麵貴，呢度嘅價錢竟然一樣~~湯汁嘅蝦味勁濃~大愛~~肉有略嫌過肥，但隻糖心蛋超好味！！麵都係超大碟，食落有少少蕎麥麵嘅味，又夠彈牙~魚介豚骨湯麵 $78鰹魚湯味好香，又唔會過咸，其他配料一樣~餃子3個 $15餃皮好薄，餡料又多，不過唔夠熱（己經係即食了），表皮唔夠香脆。