華苑酒家 (已結業)

住新界西嘅好處就係多平靚正嘅嘢食，依間酒樓喺街市後面，邊爐料唔算話好多選擇，但食得出新鮮嘅味道。我哋嗌咗椰子雞煲，有新鮮椰子同杞子，仲有睇得出鮮嫩嘅雞件，份量都唔細，淥咗一陣都唔太柴，皮又幾香。有得自己夾響鈴同魚皮，魚皮又炸得幾香。肥牛同羊肉都係今日新鮮現切，我哋撞正一日貨特別靚，肥瘦適中，牛味羊味都好夠，又唔韌口。特別值得一提嘅係鮮九肚魚同鯪魚滑，九肚魚好嫩口，而且唔係到處都有得食。鯪魚滑好有魚味，又有口感，依家喺得街市先買到靚少少嘅鯪魚滑，喺度可以食到係開心嘅。滑牛都唔差，牛肉口感好，唔會太鬆。全場仲有汽水任飲，蔬菜同新鮮手包嘅餃類都一應俱全，元朗街坊想搵嘢食就可以考慮下佢啦。