影片
更多
2018-11-22
169 瀏覽
香港有好多泰國菜館， 但其實真係正宗又好味嘅都唔係咁易搵。我自從搬出市區之後真係方便好多，所以可以同媽咪周圍搵好野食。好似今晚咁， 我地就走左出灣仔，嚟呢間開左都有十年嘅泰國餐廳。返屋企接媽咪再走去搭地鐵嚟到都唔使廿分鐘✌️，快到自己都唔信！餐廳位於某商業大廈嘅二樓， 窄窄長長嘅門面， 唔係識途老馬分分鐘會miss。但對於我嚟講搵到啲咁隱秘嘅美味餐廳係件好有滿足感嘅事😊。餐廳裝修好Home feel，樸實無華，但直覺令我覺得啲野應該好好味。對住餐廳咁多選擇， 我選擇困難症又發作了， 樣樣都想食， 事關我地勁鍾意泰國菜，鍾意spicy, 同泰式香料嘅味道。好彩媽咪果斷地點左四樣菜式啫。第一道係豬頸肉生菜包，豬頸肉味濃，偏辣，用冰凍新鮮生菜包著食， 好味啊！泰式海南雞飯同其他有咩唔同呢？🤔呢個我都唔清楚， 不過今晚食呢個肉質實在，有肥油，雞皮滑溜得嚟爽彈，好似泡過冰水咁。個泰式酸辣好有勁道，米飯細長帶雞油香味，好利落嘅一個飯set啊！每次食泰國菜，我都好期待嗰道明爐烏魚，用魚形嘅碟冊在火上滾著原條烏魚，視覺味覺都好享受。對於明爐烏魚，每家菜館都會有點自家特色，今晚呢間，用左大量蒜蓉辣椒，香菜
餐廳位於某商業大廈嘅二樓， 窄窄長長嘅門面， 唔係識途老馬分分鐘會miss。但對於我嚟講搵到啲咁隱秘嘅美味餐廳係件好有滿足感嘅事😊。
餐廳裝修好Home feel，樸實無華，但直覺令我覺得啲野應該好好味。
對住餐廳咁多選擇， 我選擇困難症又發作了， 樣樣都想食， 事關我地勁鍾意泰國菜，鍾意spicy, 同泰式香料嘅味道。好彩媽咪果斷地點左四樣菜式啫。
第一道係豬頸肉生菜包，豬頸肉味濃，偏辣，用冰凍新鮮生菜包著食， 好味啊！
泰式海南雞飯同其他有咩唔同呢？🤔呢個我都唔清楚， 不過今晚食呢個肉質實在，有肥油，雞皮滑溜得嚟爽彈，好似泡過冰水咁。個泰式酸辣好有勁道，米飯細長帶雞油香味，好利落嘅一個飯set啊！
每次食泰國菜，我都好期待嗰道明爐烏魚，用魚形嘅碟冊在火上滾著原條烏魚，視覺味覺都好享受。對於明爐烏魚，每家菜館都會有點自家特色，今晚呢間，用左大量蒜蓉辣椒，香菜，加埋青檸片，舖滿整條烏魚，聞落好香好清新但又帶點辣椒嘅辛辣刺激味！烏魚雖然多骨， 但魚味較濃， 滑得嚟又唔會太腍，我雖然唔好魚， 但都吃了幾口👍。
嚟得食泰國菜又點可以唔食咖哩呢，但我地🐖🐔🐟都食過嚟， 咖哩要配咩好呢？🤔 餐廳原來招牌推薦咖哩係紅咖哩炒素瓜！！😍😍😍👍，啱晒我地想試咖哩又怕食唔哂嘅為食鬼。
個咖哩好夠辣，咖哩香味好重，所以就算配素瓜都唔會覺得寡😋😋😋，我仲用左少許雞油飯嚟送添， 好下飯呀！
餐廳食物真係好好味，口味確是回憶中嘅泰味，難得餐廳開左咁耐都能保持味道。可惜今晚太飽食唔落甜品， 不過搬屋後方便咁多， 以後可以常來啦！
張貼
