影片
更多
2017-09-04
443 瀏覽
兩點幾三點黎到呢度！其實都無分下午茶，全張菜單只有早餐同常餐啫。其餘都係散叫。今日朋友衝住菠蘿油黎的！我本人都喜歡，但我就叫左個常餐A. 包括菠蘿油，一碗米粉（配一個餸）同埋野飲！朋友叫既菠蘿油，專登叫姐姐牛油分開上！我唔知點解，但聽佢地既對答實在太搞笑喇！因為姐姐問朋友，個包洗唔洗熱既！講真，黎到既時候，唔知係咪我舊牛油開始溶，所以覺得朋友果舊厚d. （我無叫牛油分開上）所以無左果種咬落去可以𡁻牛油既感覺。野飲方面我叫左杏仁霜。沖得好平均。有時d 餐廳會太多杏仁粉搞到好杰，又或者太多奶，搞到好似飲奶咁。而呢間好平均，滑溜！米粉方面我㨂左午餐肉。有半厘米厚、而且有兩塊！即刻覺得好抵！厚身仲有肉絲響中間，煎香得黎無燶。除左個粉多左麻油味之外。真係可以食多碗。常餐只係40蚊，飲杏仁霜要加3蚊！其間聽到隔離叫叉燒撈麵，姐姐話無叉燒，叫佢轉雞亦。結果見到既係四大隻雞亦加魯水蛋。下次可奬試呢個。
今日朋友衝住菠蘿油黎的！我本人都喜歡，但我就叫左個常餐A. 包括菠蘿油，一碗米粉（配一個餸）同埋野飲！
菠蘿油
55 瀏覽
0 讚好
0 留言
朋友叫既菠蘿油，專登叫姐姐牛油分開上！我唔知點解，但聽佢地既對答實在太搞笑喇！因為姐姐問朋友，個包洗唔洗熱既！
講真，黎到既時候，唔知係咪我舊牛油開始溶，所以覺得朋友果舊厚d. （我無叫牛油分開上）所以無左果種咬落去可以𡁻牛油既感覺。
野飲方面我叫左杏仁霜。沖得好平均。有時d 餐廳會太多杏仁粉搞到好杰，又或者太多奶，搞到好似飲奶咁。而呢間好平均，滑溜！
米粉方面我㨂左午餐肉。有半厘米厚、而且有兩塊！即刻覺得好抵！厚身仲有肉絲響中間，煎香得黎無燶。除左個粉多左麻油味之外。真係可以食多碗。
常餐只係40蚊，飲杏仁霜要加3蚊！
其間聽到隔離叫叉燒撈麵，姐姐話無叉燒，叫佢轉雞亦。結果見到既係四大隻雞亦加魯水蛋。下次可奬試呢個。
張貼
