恆達油渣麵

營業中

休息中

「恆達油渣麵」係由一家四口一同經營嘅油渣麵店，深受大眾街坊歡迎，有滿滿嘅人情味。 舖頭細細間，但係食品多選擇到嚇親大家！又有小炒、蒸品、湯品、糖水、粥品、粉麵等等……多到唔知點選擇😆此店沒有華麗嘅裝修，但有光芒嘅出品，佢個老火湯正是其中之一，係值得推介！此店老火湯每日不一，今日就係（魚翅豬骨湯）-魚翅味道非常出，飲出時間換來嘅精華。裡面應該還放咗魚落去熬製，入口鮮甜而帶骨香味，不過飲落去會有啲碎魚骨，大家小心。（豬大腸油渣麵）-記得加佢個菜脯，完全令到碗油渣麵提升了唔少精華。不過麵質冇想像中咁好食，但亦都唔難食嘅，油渣唔太乾身，大腸夠入味同淋，入口軟滑帶滷香味，配搭油渣麵是正確的😍下次一定要試埋佢個蒸魚同炒花甲！