光記食店

營業中

休息中

話晒都係西營盤嘅街坊，但係我都真係未試過呢間舖頭，呢間舖頭都應該喺度好耐㗎啦！間鋪其實好四五張圓枱，加埋個廚房舖頭一眼見晒！我哋可以食傳統屋企整嘅餸菜，好似蒸魚，剁肉餅，仲可以炒蝦炒蟹！呢度炒出嚟啲嘢夠晒鑊氣，好似炒咗個蒜蓉唐生菜，非常之香！咁我哋人少少，就嗌個傳統嘅蒸肉餅啦，蒸得好好食。我記得好似有少少鹹魚喺上面！另外再點返個煲，沙嗲肥牛粉絲煲，沙嗲煲送個白飯，嘩！真係一流。仲有好多嘢都未試，下次搵多啲人！