印豪印尼商店

營業中

休息中

今日行左去元朗開心廣場買啲野，點知冇開舖，於是行下行下去左條河個邊，見到有間印尼舖，順便入去行個圈。意外地發現，竟然有飯賣，仲要啲小菜係印尼菜，試下都好喎！炸雞好香脆，咖哩雞大大件，個咖哩唔辣仲有微微椰汁味。椰絲巴東牛肉，好椰香好特別，呢個好驚喜，牛肉腍得黎帶椰香。有肉要有菜，要左炒雜菜，炒得幾好唔會overcook花生魚仔黃豆餅，花生好脆好香口，食落甜甜地，個種又咸又甜嘅味道，原來花生魚仔加上黃豆有呢種化學作用。