班蘭葉印尼餐廳

營業中

休息中

雖然呢間小店唔多起眼，但小妹幫襯過好多次了😌睇落佢係平平無奇，但食物質素一d 都唔差！咁多年來價錢升幅唔算大，所以大家經開可以一試😋我估佢應該幾地道吓，因為眼見都有好多印尼姐姐幫襯🙈🌱雜菜黃薑原條炸魚: 條魚size 一d 都唔細，炸到金黃色，非常脆口！雖則外層乾脆但肉質一d 都唔柴而且唔多骨。蘸上香辣嘅醬汁一齊食，好過癮🤣個汁對小妹嚟講都幾辣吓🌱班蘭雞尖塔飯: 個飯帶有少少班蘭香同椰香，望落去以為份量唔多，其實食晒都幾飽吓🤣雞件好滑嫩，再蘸上特製青醬，味蕾即時昇華咗🌱細白鬚牛丸湯: 粒牛丸彈牙兼非常juicy! 個麵底又唔會過腍，湯底唔係味精嚟，飲完都唔會口渴，係個麵量偏少，非常適合細食者或者當輕食👉🏻溫馨提示: 店鋪唔大，位唔多，如果多人去嘅話，最好提前訂座。