影片
更多
2022-05-17
25 瀏覽
Dilliwale平時食親晚飯，通常都係中西日韓泰呢幾樣，食得太多都會厭啦。朋友話銅鑼灣有間樓上印度餐廳幾好食，咁我地就去試下呢間日本菜。一出𨋢已經聞到好大陣香料味，而且餐廳無論樓面同廚房，咁餐呀係由印度人去主理，可以想像到陣間食既野應該好地道。 餐廳唔算好大，但其中一幅牆係畫咗印度畫，都睇得出呢到係家庭式作業既。侍應態度好殷勤，知道我地唔識印度菜同食法，都好詳細咁同我地解釋，非常有禮貌同耐性。前菜方面，我地叫咗印度脆米球。配料有脆米球，涼拌薯仔粒，鷹嘴豆，同一個羅望子汁。好彩侍應同我地講係要將所有配料放晒入個脆米球入面，然後一啖食晒佢，先係正宗食法。唔係既話我地一定會分開晒黎食，晒晒個前菜。味道方道，薯仔好爽好淋，配酸酸辣辣既羅望子汁，味道新穎刺激，而且好醒胃，好唔錯。主菜，我地叫咗一份芝士烤餅。烤餅有四大塊，底部好香脆，而表面係軟身既，口感好特別。而味道方面，真係好驚喜，芝士味好香濃，而且分佈平均。烤餅邊好似平時食既芝心批咁，勁多芝士，鐘意芝士既朋友一定要叫呀。再點埋少少咖喱汁，食落仲冇咁膩添！叫得naan，點少得一個印度咖喱呢。我叫咗我自己最鐘意既印度燴羊肉。羊肉冇體，煮得入味之
平時食親晚飯，通常都係中西日韓泰呢幾樣，食得太多都會厭啦。朋友話銅鑼灣有間樓上印度餐廳幾好食，咁我地就去試下呢間日本菜。
一出𨋢已經聞到好大陣香料味，而且餐廳無論樓面同廚房，咁餐呀係由印度人去主理，可以想像到陣間食既野應該好地道。 餐廳唔算好大，但其中一幅牆係畫咗印度畫，都睇得出呢到係家庭式作業既。
侍應態度好殷勤，知道我地唔識印度菜同食法，都好詳細咁同我地解釋，非常有禮貌同耐性。
前菜方面，我地叫咗印度脆米球。配料有脆米球，涼拌薯仔粒，鷹嘴豆，同一個羅望子汁。好彩侍應同我地講係要將所有配料放晒入個脆米球入面，然後一啖食晒佢，先係正宗食法。唔係既話我地一定會分開晒黎食，晒晒個前菜。味道方道，薯仔好爽好淋，配酸酸辣辣既羅望子汁，味道新穎刺激，而且好醒胃，好唔錯。
主菜，我地叫咗一份芝士烤餅。烤餅有四大塊，底部好香脆，而表面係軟身既，口感好特別。而味道方面，真係好驚喜，芝士味好香濃，而且分佈平均。烤餅邊好似平時食既芝心批咁，勁多芝士，鐘意芝士既朋友一定要叫呀。再點埋少少咖喱汁，食落仲冇咁膩添！
叫得naan，點少得一個印度咖喱呢。我叫咗我自己最鐘意既印度燴羊肉。羊肉冇體，煮得入味之餘，質地亦都唔老，一啖就咬得開。而配咗咖喱同香料後，羊膻味亦變得冇咁明顯，香味非常獨特！
最後我地叫咗杯丸子乳酪，乳酪調較得浠啲，比較容易入口。口味唔會太酸，加埋啲咸既脆粒，味道幾特別！
張貼
