咖哩葉

營業中

休息中

朋友約食飯話不如試下印度菜，見openrice有咁多好評，一於就食呢間，今期openrice訂座仲有85折添！ Chicken Momos 雞肉餃子本身想食蒸餃，但店員話煎餃only🥲好吧！煎餃其實都好出色😂好大粒，雞肉餡撈咗芫荽，但芫荽味又唔會搶咗風頭。點埋辣醬好惹味。 Paneer Tikka 印式烤奶酪印式芝士口感扎實，冇奶羶味。配埋烤洋蔥同青椒，感覺冇咁膩。Butter Chicken 牛油咖喱雞咖哩用牛油烹調好滑，味道唔辣，亦唔會勁鹹。配飯或薄餅都會好正。 Naan 印度薄餅有驚艷到！首先好大塊😂而且即叫即整，外面少少脆，內裡煙韌。點咖哩勁開胃，好食到要encore😋 Mango Lassi 印式芒果奶昔口感厚滑，雖然係偏甜，但有芒果嘅酸味中和返少少，甜得嚟唔會得糖味。