張記口水雞 (卑路乍街)

營業中

休息中

呢間小店主打賣口水雞，因為去開港島區，順路過來一趟，買外賣返屋企加餸。除左口水雞，原來都有好幾款四川涼菜同滷味。心大心細底下，買左半隻口水雞（$80）及蒜泥白肉涼粉拼大腸（$52）。口水雞（圖上）唔好比堆紅油嚇怕，我揀左小辣，辣度可以接受，雞肉都算嫩滑，半隻份量好足，口水雞就係要食到流口水嘛，麻辣且香嘅味道，令我好難抗拒呢！蒜泥白肉涼粉加大腸 （圖下嘅下方）加左醋嘅自家製涼粉酸酸辣辣，好開胃。老闆娘提議厚切涼粉，果然容易夾起！白肉比酸辣汁搶左味，所以蒜泥味唔出。滷水大腸就尚算入味。綜合以上幾種食物，我會最鍾意口水雞及川北涼粉！