好好便當 (已結業)

試過一次外賣返去食，D飯“林晒”。見佢裝修同做法咁地道台式，我決定比多次機會佢。今次堂食。店內選擇不多，主要走便當類路線，仲有小食。叫左香酥排骨香菇滷肉便當，無其他飲品，只有3款罐裝飲品，其實我麻麻地，只好選菊花綠茶。但居然黎左嘅係好大大雞排香菇滷肉便當。初時無留意，食左一啖先知，費時叫人換啦，照食。飯面已經好夠餸了，有半隻蛋，椰菜，滷肉，咖哩薯仔，芋絲，黃蘿蔔，其實齋食都好夠。仲有塊雞扒好大塊，食好耐先食得晒。不過我其實真係想食排骨嫁。呢個價錢，其實好抵，好地道台式風味。