影片
更多
2024-06-11
1017 瀏覽
臺坊主打台式料理，位於灣仔地鐵站附近，好方便，店內裝修用咗淺嘅木色做主色，好簡潔，座位雖然唔係好多，但尚算舒適。餐牌有多款全日供應嘅台式料理，包括肉燥飯、海苔飯、特色冷麵、肉燥拌麵、牛肉麵同湯米線，選擇好多，當然唔少得地道嘅台式飲品。今次試咗香辣牛肉麵，一上枱仲有煙出，賣相好好。作為台灣必食料理之一，用料一啲都唔馬虎，牛肉份量好多，有牛腩同牛筋，牛腩煮到好腍，牛筋就爽口彈牙！仲有配菜紅蘿蔔同白蘿蔔，大大嚿而且好腍，吸收晒牛肉湯底嘅精華😍落咗好多孜然粉同其他調味料，越食越辣，辣得好過癮。小麥胚芽珍珠奶茶胚芽味好香，奶味好滑而且唔會好甜，另外加咗珍珠，珍珠好有咬口，好有台灣嘅味道！臺坊 (香江大廈) 📍灣仔駱克道137-147號香江大廈地下A號舖
餐牌有多款全日供應嘅台式料理，包括肉燥飯、海苔飯、特色冷麵、肉燥拌麵、牛肉麵同湯米線，選擇好多，當然唔少得地道嘅台式飲品。
今次試咗香辣牛肉麵，一上枱仲有煙出，賣相好好。作為台灣必食料理之一，用料一啲都唔馬虎，牛肉份量好多，有牛腩同牛筋，牛腩煮到好腍，牛筋就爽口彈牙！仲有配菜紅蘿蔔同白蘿蔔，大大嚿而且好腍，吸收晒牛肉湯底嘅精華😍落咗好多孜然粉同其他調味料，越食越辣，辣得好過癮。
小麥胚芽珍珠奶茶胚芽味好香，奶味好滑而且唔會好甜，另外加咗珍珠，珍珠好有咬口，好有台灣嘅味道！
臺坊 (香江大廈)
📍灣仔駱克道137-147號香江大廈地下A號舖
張貼
