日月堂

營業中

休息中

同大少落左觀塘搵食，就醒起上次同學仔帶我去嘅台式小店，所以就去食個豐富午餐啦！餐廳裝修得好有台灣風味，大少仲話好似去左一轉台灣咁呀。食物種類都好多，樣樣都好有台灣特式，真係睇到我地15/16，唔知叫咩好嘢食添。先嚟兩杯解渴凍飲，我嘅鳳梨綠茶同埋同學仔嘅黑糖珍珠鮮奶，兩杯味道都唔錯，最重要係佢一啲都唔甜，所以密密飲多啲都冇咁邪惡。大少就叫左碗嘅紅燒牛肉麵，牛肉都好厚身而且炆得好腍又夠入味，麵條都係另一亮點，因為夠彈牙口感唔錯。我就叫左份炸排骨便當，鹽酥排骨外層香脆，而肉質好淋，一啲都唔鞋口。另外肉燥飯醬汁嘅肉燥都好香，又唔會過鹹，最好就係個醬汁啱啱好。另外我地都叫左兩個小食，台式滷水豬腳個味完全係正，豬腳滷得好入味，而且肉質又好嫩滑，而且隻隻豬腳仔都好多肉，真係食唔停口呀！再嚟多一客宜蘭花枝丸，花枝丸大大粒，而且炸得外酥內嫩，入口超落彈牙，食落好重又香嘅墨魚味。